Երեխաների Երևանը
Ձեր երեխաների ժամանցը Երևանում կարող եք զվարճալի դարձնել՝ այցելելով մանկական տարբեր վայրեր: Կան բազմաթիվ զվարճանքի այգիներ՝ Լունա-Պարկ, Հաղթանակի զբոսայգի, Մանկական երկաթուղի, Կրկես, Կենդանաբանական այգի և Ջրաշխարհ: Գործում են նաև մանկական ստեղծագործական և զարգացման կենտրոններ, ինչպես օրինակ՝ «Նարնջագույն փղիկ»-ը, «Ծիածան» երեխաների զարգացման կենտրոնը, «Ալադդին» մանկական զվարճանքի կենտրոնը և այլն: «Նարնջագույն փղիկ»-ը երեխաների համար արտադրում է ստեղծագործական գունավոր արտադրանք, որը ներառում է էկոլոգիապես մաքուր և անվտանգ ծեփամածիկներ, պլաստիլին, ապակու վրա աշխատելու նյութեր և այլն:
Մանկական երկաթուղի
Երևանի մանկական երկաթուղին գտնվում է Հրազդանի կիրճի երկայնքով ձգվող այգում:
Այս գեղեցիկ վայրը ստեղծելու գաղափարը պատկանում է Խորհրդային Հայաստանի քաղաքական գործիչ Աղասի Խանջյանին: Պետական այս նախագիծն իրականություն է դարձել 1936 թ.: Այն բացվել է
1937 թ. նոյեմբերի 7-ին` Հոկտեմբերյան հեղափոխության հաղթանակի օրը: Շինարարական աշխատանքներին մասնակցել են կամավորներ Հայաստանից և խորհրդային այլ երկրներից (օրինակ` Ուկրաինա, Վրաստան): Երկաթուղու առաջին աշխատողները և գործարկողները երեխաներն էին, որոնք հետագայում դարձան այս ոլորտի փորձագետներ:
Բարի գալուստ Երևան
Երևան. հիմնական տեղեկություններ