Ս. Աստուածածին Եկեղեցին
Լուսանկարը՝ Սթեֆանի Մուրի, «Իմ Հայաստան» Ծրագիր, Smithsonian Հաստատութիւն / USAID
Ճամբորդութիւնը դէպի Վայոց Ձոր չ՚ամբողջանար, եթէ չայցելէք Արենի 1 քարանձաւէն քիչ մը հեռու, կիրճի մէջ գտնուող վանական համալիրը: 9-14-րդ դարերուն կառուցուած վանքը շրջապատուած է իւրօրինակ գոյնի ժայռերով: Համալիրի կազմի մէջ մտած են՝ Ս. Աստուածածին, Ս.Կարապետ, Ս. Ստեփանոս եկեղեցիները, Ս. Գրիգոր դամբարան-մատուռը, ինչպէս նաեւ վանական այլ շէնքեր եւ կառոյցներ:Շինարարական հիմնական աշխատանքները սկսած են 13-րդ դարուն,
երբ Օրբէլեան տոհմի մեծ իշխան Լիպարիտի որդին՝ Էլիկում իշխանը յանձնարարած է կառուցել Ս. Ստեփանոս եկեղեցին: Նորավանքի նոր կառոյցները կու գան փոխարինելու աւելի շուտ կառուցուած Ս. Կարապետ եկեղեցին (9-րդ դար) եւ Ս. Փոկաս մատուռը:
Օրբէլեանները Նորավանքը կը դարձնեն իրենց իշխանութեան հոգեւոր կեդրոնը: Տաթեւի վանական համալիրի հետ (ներկայ Սիւնիք) կը համարուի Սիւնիքի թեմի հոգեւոր կեդրոնը:
Եթէ այցելէք Նորավանքի Ս. Գրիգոր դամբարան-մատուռը, այնտեղ կը գտնէք Օրբէլեան իշխաններու եւ անոնց ընտանիքներու անդամներու տապանաքարերը: Էլիկում Օրբէլեանի շիրմաքարի վրայ փորագրուած է առիւծ եւ հետեւեալ տողերը.
«Զգեղեցկատիպն Էլիկում, որդի մեծի Տարսաիճի, որ առիւծօրէն խրոխտ մռնչէր ընդդէմ այլասեռ (օտար) գնդին։ Աղաչեմ յիշել զաղօթս»:
Նորավանք Վանական Համալիր (Համայնապատկերը՝ 360° Stories-էն)
Նորավանք Վանական Համալիր
Պատմական Տեսարժան Վայրեր