Միութեան Համար Դժուարին Պարտականութիւն Մը՝ Գործակցիլ Երեւանի Խորհրդային Վարչակարգին Հետ
Տասնհինգ տարիները, որոնց ընթացքին Միութիւնը գործօն մասնակցութիւն բերաւ Խորհրդային Հայաստանի կառուցման, ցաւալի փորձառութիւն մը եղան իրեն համար: Ան բախեցաւ բազմաթիւ դժուարութիւններու եւ հազուադէպ կերպով վայելեց տեղական իշխանութիւններու գործակցութիւնը, որուն այնքան կարիք ունէր՝ բնակչութեան վիճակը բարելաւելու համար: Մշակութային, առողջապահական, մարդասիրական մարզերուն մէջ իր ամբողջական մասնակցութեան տարիները բեղուն գործունէութեան շրջան մը եղան սակայն իրեն համար՝ նկատառելի արդիւնքներով: Այս տարիներուն ընթացքին Միութիւնը մնաց պատնէշի վրայ եւ բազմաթիւ կարեւոր կտակներ, ինչպէս նաեւ իր հանգանակութիւններուն արդիւնքները կարելի եղաւ ներդնել հայաստանեան իր ծրագիրներու մէջ: Միութեան պատասխանատուները անկեղծօրէն կը հաւատային գետինի վրայ գործելու օգուտին եւ կարեւորութեան: ...
«Ընկեր Սթալինը եւ Լենինականի գործուածքեղէնի գործարանի բանուորուհի Էլեն Աբրահամեանը». խորհրդային քարոզչութեան լուսանկար (“URSS en construction», l’Armenie sovietique, n°2 Փետրուար, 1936):
ՀԲԸՄ-ի Երեւանի ներկայացուցչութեան պաշտօնաթուղթը (Փարիզի ՀԲԸՄ-ի Նուպարեան գրադարանի արխիւ):
Միութիւնը Եւ Խորհրդային Հայաստանը. Դժուարին Պարտականութիւն Մը` Գործակցիլ Խորհրդային Վարչակարգին Հետ Յանուն Հայաստանի Վերակառուցման