Ամենաժողովրդական հայկական ոգելից խմիչքը քոնիաքն է: Քոնիաքի կարգ մը անուանի արտադրութիւններ կան, ինչպէս՝ Արարատ, Նոյ , Կրէյթ Վելլի, ՄԱՊ եւ Պռօշեան գինեգործարանները: Հայկական քոնիաքը մեծապէս արժեւորուած է աշխարհի մէջ: Սըր Ուինսթըն Չըրչիլ կը սիրէր հայկական քոնիաքը, անոր նախընտրութիւնը «Դուին»ին կ՛երթար: Առաջին անգամ ան հայկական քոնիաք համտեսած է 1943-ին, բոլորին ծանօթ Թէհրանի
համագումարի ընթացքին: Չըրչիլ այնքան սիրած է քոնիաքը, որ Ստալին անձամբ վերահսկած է հայկական Դուինի առաքումը, Բրիտանացի Վարչապետին: Ծեր տարիքին, երբ Չըրչիլին կը հարցնեն իր երկարակեցութեան գաղտնիքի մասին, ան կը պատասխանէ. «Երբեք մի ուշանաք ընթրելու, ծխեցէք Հաւանա սիկառ եւ խմեցէք Հայկական Քոնիաք»:
10 տարուան հնութիւն ունեցող 50 աստիճան զօրութեամբ հիանալի Դուին քոնիաքը, Արարատի բացառիկ
հաւաքածոյին գլուխ գործոցն է, որ ստեղծած է Երեւանի Քոնիաքի Գործարանի վարպետ, Մարգար Սեդրակեան: Քոնիաքը կը կրէ հայոց միջնադարեան մայրաքաղաքի անունը:
Բարի Գալուստ Երեւան
Երեւան, Հիմնական Գիտելիքներ :