Խոսրովի Պետական Արգելոց
Ակնարկ
Տարածքը՝ 29,196 հեքթար / 72,144.9 ակր
Բարձրութիւնը՝ 1,600-2,300 մ. / 5,249.34-7,545.93 ոտք
Հեռաւորութիւնը Երեւանէն՝ 75 ք.մ. / 46.6 մղոն
Բնութեան, արշաւներու եւ բանակումներու սիրահարներու համար լաւ առիթ է Խոսրովի Պետական Արգելոց այցելելը: Կենդանական աշխարհը ներկայացուած է կաթնասուններու, սողուններու, երկկենցաղներու, ձուկերու եւ թռչուններու տարատեսակներով: Բնապատկերն աստիճանաբար կը փոխուի Աժդահակի հրաբխային լուսնային տարածքէն մինչեւ արգելոցի անտառապատ գեղատեսիլ լեռները: Զբօսաշրջիկները կը ծանօթանան Հայաստանի իւրայատուկ կենսոլորտի բազմազանութեանը, վայրի բնութեան եւ մշակութային արժէքներու պահպանման հիմնադրամի (FPWC) աշխատանքին: Կարելի է գիշերել Ուրցաձոր, հիմնադրամի էկօ-կեդրոնի մէջ:
Գիտէք Թէ՞
Խոսրովի Պետական Արգելոցն աշխարհի ամենահին արգելավայրերէն է։ Վայրի բնութեան պահպանումը, Հայաստանի մէջ, կարեւորւորուած է հին ժամանակներէն ի վեր : 334-338 թուականներուն Խոսրով Գ Կոտակ թագաւորի ( որ գահակալած է 330-338) հիմնած արգելոցն արդէն ունի 1,700 տարուան պատմութիւն:
Թագաւորի նպատակն էր Արտաշատի , Դուինի եւ յարակից տարածքներու բնապահպանական պայմաններու բարելաւումը, ինչպէս նաեւ բուսական եւ կենդանական աշխարհներու պահպանումն ու հարստացումը: Խոսրովի անտառը, նաեւ, որսորդութեան եւ ժամանցի վայր էր հայ թագաւորներու եւ ազնուականութեան համար: Այս բոլորի մասին, իրենց աշխատութիւններու մէջ յիշատակած են 5-րդ դարու հայ պատմիչներ՝ Մովսէս Խորենացին եւ Փաւոստոս Բիւզանդը: