Արա Լեռ
Ակնարկ
Բարձրութիւնը՝ 2,577 մ / 8,455 ոտք
Հեռաւորութիւնը Երեւանէն՝ 52 ք.մ. / 32.3 մղոն
Արա լեռ հետիոտն բարձրանալը (2,577 մ/8,455 ոտք), արշաւի մէկ այլ հիանալի առիթ է: Կը գտնուի Երեւանէն 52 ք.մ. / 32.3 մղոն դէպի հիւսիս, Հրազդան եւ Քասախ գետերու միջեւ: Գագաթ բարձրանալու ժամանակ կարելի է այցելել ժայռափոր Ծաղկեվանքը, որ Կոյս Վառվառայի մահարձանը կը համարուի: Վանքի մէջ աղբիւր կայ։ Շատերու վկայութեամբ, կաթիլ-կաթիլ հոսող աղբիւրը առողջարար յատկութիւններ ունի: Ըստ աւանդութեան, այդ կաթիլները կոյս Վառվառայի արցունքներն են։ Այստեղ ան սպանուած է իր հեթանոս հօր կողմէ, քրիտոնէութիւնը ընդունելուն համար: Լերան գագաթէն տեսարանը հիանալի է, երբ աչքի առջեւ կը պարզուին հայկական լեռնաշխարհի ամենաբարձր գագաթը հանդիսացող Սուրբ Գրային Արարատ լեռն (5,165 մ./16,946 ոտք) ու Հայաստանի Հանրապետութեան ամենաբարձր լեռը՝ Արագածը (4,090 մ./13,419 ոտք)։
Ե՞րբ Մեկնիլ Արշաւի - Կլիմայ
Արա լեռ բարձրանալու ամենալաւ շրջանը Մայիսէն մինչեւ Նոյեմբեր ժամանակահատուածն է։ Գարնան, լեռը ամբողջովին կը ծածկուի բուսականութեամբ:
Գիտէք Թէ՞
Հարաւէն կամ հիւսիսէն նայելու պարագային, կը թուի, թէ Արա լեռը ամբողջ երկայնքով պառկած հսկայ մըն է: Ըստ առասպելի, Արա լեռը կոչուած է հայ թագաւոր Արա Գեղեցիկի անունով, որ սպանուած է ասորի թագուհի Շամիրամի դէմ պատերազմելու ժամանակ , լերան ստորոտին: Թագուհին, որ սիրահարուած էր Արա թագաւորին, կը փորձէ վերակենդանացնել զայն առասպելական ոգիներու (յարալէզներ) միջոցով։
Յարալէզները կը լիզեն վէրքերը, բայց՝ ապարդիւն: Այդ օրէն, լերան կատարը կը ստանայ արքայի քիթի, ձեռքերու եւ մարմինի ձեւը: