6.3 Գառնի
Պէտք է անպայման այցելել Գառնին, որ կը գտնուի մայրաքաղաքէն ոչ շատ հեռու՝ 25 ք.մ./15.5 մղոն դէպի արեւելք: Համալիրը կը ներառէ Գառնիի Մաշտոց Հայրապետ եկեղեցին(12-րդ դար),Գառնիի ամրոցը(Ք.Ե. 1-ին դար), Գառնիի տաճարը(Ք.Ե.1-ին դար), Պազիլիկը (5-րդ դար), պաշտպանական պարսպապատերու աւերակները, արքունական պալատը, գինետունը եւ բաղնիքը ՝ խճանկարուած յատակով:
Գառնիի ամրոցի մօտ կը գտնուի «Քարերու սիմֆոնիան», որ Գառնիի կիրճի երկայնքով տարածուող պազալտէ ուղղահայեաց սիւներէ կազմուած յուշարձան է: Այստեղ կը գտնուի նաեւ, 11-րդ դարէն, միջնադարեան կամուրջ մը: Գառնիէն 4 ք.մ./2.4 մղոն հեռաւորութեան վրայ Խոսրովի Պետական Արգելոցն է, ուր կը գտնուի Հաւուց Թառի վանքը (11-րդ դար):
Տարուան տաք եղանակներուն հանգստանալու եւ
ընթրելու ամէնէն յարմար վայրերէն մէկն է Սերկէյի հացատունը: Երկար սեղանները տեղադրուած են
այգիի ծառերուն տակ: Այստեղ կրնաք վայելել թարմ
լաւաշը եւ տեղական սիրուած ուտեստները :
Գառնիի Տաճար
301-ին, Հայաստանի մէջ քրիստոնէութիւնը պետական կրօնք դառնալէ յետոյ, հեթանոսական
բոլոր տաճարները քանդուեցան եւ օգտագործուեցան որպէս շինարարական նիւթ: Գառնիի տաճարը միակն է, որ կանգուն մնացած է մինչեւ այսօր, քանի որ
գտնուած է Գառնիի ամրոցի մօտ եւ ծառայած է որպէս հայ թագաւորներու կարդալ աւելին
- Երեւանի Հարաւ-Արեւելեան Կողմը
Շրջապտոյտ 6
6.1 Խոր Վիրապ
6.2 Դուին
6.3 Գառնի
6.4 Գեղարդ