Գիւղատնտեսութիւն
Հինէն ի վեր մեծ հռչակ վայելած է հայկական ծիրանը։
Նախալեռնային գօտին (բարձրութիւնը՝ 1000-1500 մ.) յայտնի է հացահատիկով, գարիով, աւելի ցրտադիմացկուն պտղատու այգիներով եւ խաղողով։
Գինեգործութիւնը Հայկական Լեռնաշխարհի Մէջ
Ըստ աւանդութեան՝ գինեգործութիւնը սկիզբ առած է Արարատ լերան լանջին Նոյ Նահապետին տնկած խաղողէն: Հինէն ի վեր Հայաստանը յայտնի է իր գինեգործներով, որոնց իւրօրինակ աւանդոյթները մինչեւ այսօր կը պահպանուին: Այս մասին տեղեկութիւններ փոխանցած են նաեւ փիլիսոփաներ եւ պատմիչներ Հերոդոտոսը եւ Սթրապոնը: Էրեբունի քաղաք-ամրոցի պեղումներուն ընթացքին գտնուած են 10 գինիի պահեստներ, ուր 200 գինիի կարաս եղած է: Ք.ա. 401-400 թթ., երբ Քսենոֆոնի գլխաւորութեամբ յունական զօրքերը Հայաստանէն կ'անցնին, տուներուն մէջ զիրենք կը հիւրասիրեն գինիով եւ գարեջուրով, որոնք կը պահուէին խորունկ գետնափոր պահեստարաններու մէջ, յատուկ կաւէ կարասներու մէջ:
58