Ներքին գործերի նախարարի օգնականը Նախարարների խորհրդին ուղղված իր զեկուցագրում գրել է . ՙՄարդկանց ահագին բազմություն սպառազինված լավագույն զենքով ցրված է հանրապետության բոլոր անկյուններում : Չունենալով ոչ մի հաստատուն պարապմունք և , որ կարևոր է , բացարձակ հափշտակության և կողոպուտի միջոցով հարստանալը գերադասելով քրտնքոտ վաստակից , նրանք իրենց նվիրել են ասպետական արշավների : Կողոպուտը հանցանք չէ : Բարոյական ըմբռնումը ոչնչացել է արդեն ,,: Կարսի նահանգապետը Կառավարության նախագահին ուղղված զեկուցագրում նշել է . ՙՄարդիկ վարակված են թալանելու , ապահովվելու և ապա հեռանալու տենչով ... Մարդկանց մեջ բթացել է երկյուղը դեպի քրեական պատիժը ... Ոճիրը պարփակում է իր մեջ քաղաքական , տնտեսական և իրավական բացատրություններ և այդ բարդ ու խճճված պայմաններում է մեր օրերի քրեական տրամադրությունների գաղտնիքը : Բացի այդ , գաղտնիք չէ այն , որ պետական հայացք , պետական աշխարհայեցողություն մենք չունենք ՚:
5 . ՆԵՐՔԻՆ ԹՇՆԱՄԻ
Վերը բերված խնդիրների վերլուծությանն իր կյանքը նվիրած , Տարոնականության հիմնադիր Հայկ Ասատրյանի եզրահանգումն ավելի քան սահմռկեցուցիչ էր . հայ ժողովրդի մեջ ձևավորվել է մարդու մի տեսակ , ում հիշողությունից դարավոր ստրկության արդյունքում ջնջվել են ազգ , հայրենիք զգացումները և ով սեփական ժողովրդի ու հայրենիքի հանդեպ վարվում է այնպես ,
9