"Эхэ нютаг Хоорхэмни" Эхэ нютаг Хоорхэмни | Page 57

Удаань элүүржүүлгын һуралсалай профилакторидо ажал хээб. Тэрэ һууридань
«Ветерануудай байшан» эмхидхээб.
Иимэрхүү ажалнуудта хүдэлһөөр ябатар, наһанайнгаа амаралтада гараха
саг ерээ бэлэй. Гүрэн түрын шангуудташье хүртэгдөө: олон юбилейнэ шангууд,
Гүрэнэй бэшэгүүд, «Ветеран труда» гэһэн шан.
Үбгэ эсэгэ Шобоолой тэрэ сагтаа һургуулитай хүн - ород, монгол, түбэд
бэшэгтэй байһан. Али ушарта оршуулагша болодог. Түбэд ном, бэшэгэй удхые
зондо тайлбарилжа үгэдэг һэн. Хубисхалай Зүүн Сибирьтэ тулажа ерэһэн
жэлнүүдтэ ехэ номой һангай баялигые хүмэг шулуунай хүндыдэ хадагалһан
юм. Тон өөһэдынгөө хэрэгтэй номуудаа гэрэйнгээ хүндыдэ хадагалһан байгаа.
Тэрэниинь мэдэхэ нүхэдынь дам нюусаар наһа бараһан хойнонь абаһан юм.
Мүнөө манайда тахяатай байдаг 22 ботиһоо бүридэһэн Юм гэжэ агууехэ судар
хадагаламжада байдаг.
Бидэ түбэд ном уншажа шадахагүйбди, эдэ номуудые эзэмшэлхэ аша хүбүүн
Нанзаднай лама болохо һургуулида һурана.
Наһанайнгаа хани нүхэр Дугарматаяа 1947 оной ноябриин 17-һоо гэр бүлэ
ажаһуунабди. Ажаһуудалай эрхээр Дугарма хэдэн ажалнуудта хүдэлхэ ушартай
болодог һэн. Ном уншаха ехэ дуратай, номой һангай байшанда ажаллаһан юм.»
«Эжымнай Хөөрхэ нютагта номой һан эмхидхэһэн. 1969 ондо Хэжэнгын
аймагай номой һанһаа ерэжэ, клубай нэгэ таһаг соо нээхэ ехэ ажал эмхидхээ
бэлэй. Богони саг соо аймагай олон номшодой дунда эрхим ажалшын тоодо
орожо, һониной, сэнхир экранай хуудаһануудта ото гарадаг байгаа. Нютагай
залуушуулые суглуулжа амаралтын үдэр бүхэндэ ажал хэжэ номойнгоо һанда
проигрыватель ба элдэб хүгжэмэй зэбсэгнуудые абадаг, залуушуулай үдэшэнүүдые
хэдэг эмхитэй, ажалша эхэнэр ябаа» - гэжэ Соёлма үхиниинь хөөрэнэ.
Табан үринэрые түрэжэ, хүлыень дүрөөдэ, гарыень ганзагада хүргэжэ, бултыень
айл аймаг болгожо табиха гээшэ ашата эхэ, эсэгын буян сэгнэшэгүй, ямаршье
ажалтай жэшээлшэгүй гэжэ мэдэнэбди.
Хүнэй наһанай эгээ үнэтэй баялиг 5 одото үринэр тухайнь хөөрэе.
Ехэ басаган Светлана Цырендоржиевна гэр бүлэтэеэ Екатеринбург хотодо
ажаһууна, дээдэ зэргын эмшэ, засагай түрүүлэгшын – можын орлогшын
зүблэгшээр (консультант) хүдэлнэ. Хүбүүн басаган хоёртой, аша хүбүүтэй.
Ехэ хүбүүн Намсарай Хориин Баруун Хасууртай нютагһаа Цырегма нүхэртэй.
2 басагадынь ВСГАКИ-да һуранад.
Дунда басаган Соёлма гурбан һайхан басагадые өөдэнь бодхоожо ябана. Хоёр
жэлэй туршада Хэжэнгын аймагай захиргаанда гулваагай орлогшоор ябаха
үедөө аргагүй ехэ Жарун Хашор субаргын барилгада нүлөө оруулһан. Хоёр дээдэ
һургуули дүүргэһэн.
Жаа үхин Сэсэгма басаган хүбүүн хоёртой Улаан Үдэдэ ажаһууна.
Гэр бүлын одхон хүбүүн Найдан Альбина нүхэртэеэ хоёр басагадаараа Хэжэнгэ
нютагтаа эсэгынгээ буусада ажаһуудаг.
2003
55