мяхан табаг, Улаан Хаан буурал баабайдаа сархаг сэржэмээ үргэбэбди. Яhалал удаахан урда, мүнөө сагай байдал удхалан, hанан хөөрэлдэхэ юумэн бүрил олон болоно хэбэртэй.
Ехэ басаган Ешимаань эсэгэтэнэйнгээ гэрэй шала угаана, сэбэрлэнэ. Yхибүүд гэртэхиндээ ойро ажаhууха гээшэ хэды hайн бэ даа гэжэ hанажа hуугаа hэм. Өөрөө гэртээ хэды ажалтайшье hаа, сүлөө забда олоод лэ, гэртэхиндээ туhална гээшэ ааб даа. Угайдхадаа, тосхоной нүгөө захада гэхээр hуудаг юм. Нүхэрынь Гутапов Галсан ахалагша эмшээр ажалладаг юм.
Цырендарида хэлэнэб: « Шинии али нэгэн зүйл тухай бодолгото боложо, гэмэржэ, уурлажа байhыешь би hанадаггүйб. Ямар тэнюун абаритай хүн байгаа хүмши даа?» Иимэл эхын түрэhэн үринэршье элүүр энхэ бэетэй, ажалша малша хүнүүд болонхой, бэе бэедээ ойрохон суг хамтадаа ажаhууна, ажаллана гээшэ ааб даа.
Түгэсхэлдэнь үреэебди: үндэр наhаяа эдлэжэ, элүүр энхэ зандаа, аша гушанартаяа буянтайхан hуугыт даа.
1993
« СЭДЬХЭЛҺЭЭ ДЭЛГЭРҺЭН АЛТАН БУЛАГ » Энхэргэн hайхан эжы тухай
Балшар наһандаа Балма шамтаяа хүдөөгэй үхибүүд – Дансаран, Жэгжэдма, Сэдүүхэй( Цыденжаб, биологиин эрдэмэй эрдэмтэн) – бидэ суг өөдөө болоо хамнайбди даа. Шимнай манhаа илгарма ондоо тон сэбэрхэн үхибүүн хамнайш даа. Хурдан солбон, дууша hэн гээд мүнөөшье hанадагби.
Гажадай Балма гэлсэхэбди, 5-6 наhандаа эхэеэ дахажа, Шэтэ можын Бада нютагhаа ерэжэ, эжынь Хутанай Цэмпил гэжэ хүндэ хадамда гараа агша hэн. Балмын түрэhэн эсэгэнь hүрөөтэ 1937 оной хамалганда абтажа, бусалтагүй ошоhон даа. Хоёрдохи эсэгэнь Эсэгэ ороноо хамгаалгын Агууехэ дайнай эхилхэдэ, албанда нютагайнгаа хүбүүдээр мордолсоо hэн. Теэд гэртээ бусажа ерээгүй – гашуудалта мэдээсэл хүндэ асардаг саарhан ерээ hэн. Балмын залуухан эжыдэ хэды гомдол голхорол тохёолдооб?!
Эжынь маанадай эжынэртэй hаалишанаар ажалладаг hэн: бэрээлжэ шанга бэетэй, дабхаряатай хурса хара нюдэтэй сэбэр эхэнэр hэн. Хошон хөөрүү зугаатай, хэдышье хүндэ ажал хэжэ ябаашье hаа, бэеэ шангаар барижа шадаха хүн байгаал даа.
Намартаа таряа хуряалгын үедэ үдэшынгөө hаамай hүүлдэ таряагаа
49