"Эхэ нютаг Хоорхэмни" Эхэ нютаг Хоорхэмни | Page 50

ашата эсэгын нэрэ нэрлүүлhэн хэды олон хүбүүд, басагад гээшэб! Ехэ басаган
Ешимаань хүүгэдэй сэсэрлигэй хүмүүжүүлэгшээр ажаллана. Абида эсэгэтэнээрээ
зэргэлэнхэй, аhан томо гэртэй, малшан ажалтай. Агар хүдөө ажахын һургуули
дүүргэhэн, зоотехник мэргэжэлтэй. Тунгалаг басаган Чимитдоржэ нүхэртэеэ
ба Амгалан басаганиинь Александр нүхэртэеэ, гэр бүлэтэй болоодүй Ранпил –
малшад. Агуу нютагайнгаа дунда hургуулида трактористаар ажаллана. Сэсэгма
басаганиинь Хэжэнгэдэ СПТУ–да багшаар ажалладаг. Долоон үринэрынь бултадаа
айл аймагууд болонхой, олон үхибүүдтэй.
Аюртанай бүлын табан үхибүүд малшан-үхэршэд ажалтай. Бултанай мэдэhээр
мүнөө энэ хүндэ сагта харюусалга ехэтэй ажалда эхэ эсэгынгээ ажалай арюун
харгыгаар сухарилтагүй ямаршье бэрхэшээлнүүдые дабалсахаар хододоо бэлэн
эршэтэй, зоригтой, хүдэр хүбүүд басагад гэжэ ойлгохоор даа.
Һүүлэй жэлнүүдтэ сагай уларилай хүнэй ажабайдалда хэды хохидол
ушаруулдагые, хойшолонгыень мэдэнэбди. Мүнөөшье зунай эхиндэ ган гасуур
ургамалай гараса муу байгаа, үбэлэй хүндэ нюргые арайхан гаталhан адууhа
малай хүхэ ногоондо хүшэлжэ ядажа, таршаа хорхойн үдэжэ хуурай hалхинай
саг үргэлжэ үлеэжэ, хүрилжэ байхада ерэхэ жэлэй ургасын ямаршье байхань
ойлгогдохоор бэшэ, хүндэл гэжэ бодохоор байна.
Амитанай одо заяан дээрэтэжэ, hайн саг тэхэрихэ юм бэзэ гэжэл найдаха дуран
хүрэнэ.
Хөөрхэмнай уhаар элбэг бэшэ нютаг гээшэ даа. Уhагүйгөөр ямаршье ажал
бүтэдэггүй гэжэ мэдэнэбди.
«Худаг малтуулбабди: 90 гаран метр газарhаа уhан гарабал даа. Yнэ сэнгынь
2 сая түхэригэй болоо. Уhагүйгөөр ямар ажал бүтээхэбибди даа», - гэжэ олоной
эсэгын хэлэхэдэ, Хөөрхынгөө гол, Хэжэнгын хүүргые хүндэлэн гараhанаа
hанаандаа оруулбаб – гүйхэн гээшэнь, оймоод гарашахаар гэхээр болошонхой.
Иигэжэл байгаали хубилшадаг ха юм даа гэжэ бодоо hэм. Урдань Хэжэнгэмнай
хоёр захаараа хара эрьюулгээр мушхаран урдажа, дошхон абаритай шэнги хүүен
эрьенүүдээ сохижо, тохойнуудаараа сагаан хөөhэ сахаригтуулаан, эрьелдэн
саашалагша хамнай даа. Иимэрхүү байдал хүнэй сэдьхэлдэ гансал гуниг түрүүлнэ.
«Элhэтэ голой уhан hайхан, эхэ hайтын үри hайхан» гэжэ Цырендариин түрэhэн
эхэ эсэгэ хоёр Хутаанай Цэбжэд Бадмын Бальжад гэгшэд бүхы наhандаа юрын лэ
ажал хэжэ наhаяа үнгэргэhэн нютагай тэнюун хотогор айлай нэгэн hэн. Эсэгэеэ
hажааhан басаган бэрхэ гэдэгтэл, Цырендариие адаглан хаража, хөөрэлдэжэ
hуухадам, эсэгэеэ ехэл hажааhан гээшэ ха.
Хөөрүү, энеэбхилhэн, даруу зулгы зантай, бүдүүн, бата бэхи, ямаршье үбшэндэ
химэлэгдээгүй бэетэй, хүсэн түгэс ашата hайхан олоной эжы наhанайнгаа нүхэр
Аюртаяа хониёо хайшалжа дүүргэхэ үедэнь би ерэжэ, ажалыень бага hаатуулба
хэбэртэйб.
Уданшьегүй хониёо хайшалжа дүүргээд, уусадань «А.Г.» гэhэн тэмдэг шэрээр
бэшээд табижархихадань, шалаhан хонин зунайнгаа тэрлиг үмдэhэн мэтэ боложо,
тархияа доогуур хэжэ, нэгэ турьяад, хондогор уусаяа нэгэ hэжэрээд, сарай доогуур
шурган орошоо hэн.
Аюр Цырендари хоёртоёо эдеэ шанадаг таhаг соонь hуужа, халуун эдеэ, шэнэ
48