"Эхэ нютаг Хоорхэмни" Эхэ нютаг Хоорхэмни | Page 49

hуудаг байhан юм. Хожом болотор эжыень hанагшаб:
сагаан шарахан, «сад-няд» гэhэн дуутай хүгшэн нягта
нарин гээшэнь аргагүй, зүйл бүхэн өөрын байратай,
аяга амhартануудынь ялайтар угаагданхай, таг
дээрэ байдагыень hанадагби. Хүршэ анханда hууhан
хадаа гү, али үелдэг байhандаа гү – ходол манайда
айлшаар ерэгшэ hэн. Yни холын саг гээшэ ааб даа.
Һанахадам, дүрбэн үринэрөө бултыень хүлыень
дүрөөдэ, гарыень ганзагада хүргэжэ, аша буянгаараа
аялhан байха.
Аюр хүбүүниинь гурбадахи үринь гээшэ аабза.
Бэеэ хүсэжэ, хүдэр хүбүүн болоходоо, Эсэгэ ороноо
хамгаалгын дайнай эхилхэдэ, Аюр нютагайнгаа
хүбүүдээр суг албанда мордолсоhон юм.
Найман жэлдэ албанда ябажа, амгалан сагай
тогтоходо, нютагаа бусажа ерэhэн намтартай. Энэ
саг соо юуншье харагдаа, үзэгдөө гээшэл даа гэжэ
зүрхэеэ долгилуулаан, hанан дурсаха зуураа ехэ
олон Юумэн тухай хэлэхэеэ зүрхэсэнэ хэбэртэй
гэжэ ойлгоо hэм. Баатаршалгын тэмдэг – орден,
шангууд олон юм ааб даа.
Аюр нютагаа бусажа ерэхэдээ, нютагайнгаа басаган Цэбжэдэй Цырендари гэжэ
талмагар сагаан урихан басагантай хуби заяагаа нэгэдэжэ, айл боложо түбхинөө hэн.
Аюртан залуу айл байхадаа, Хэжэнгэдэ удааншаг ажаhууhан юм. Хэжэнгын
ойн ажахыда хүдэлмэрилөө. Yхибүүдэйнгээ ехэ болоходо, Хөөрхэ нютагаа
бусажа ерэhэн юм. Арын гудамжада аhан томо табан ханатай, хоёр гуламтатай
гэр барижа оронхой. Цырендари нүхэрынь наhанайнгаа амаралтада гаратараа,
үнеэшэнээр ажаллаhан байна. Өөрынь эжы анханда hаалишан байhан тула ажалай
ехэ
дүршэлтэй
хүн
гээшэл даа. Аюр өөрөө
баhал
амаралтада
гаратараа анханайнгаа
ажал
үргэлжэлүүлээ
hааб даа. Мүнөө энэ
олон
үхибүүдэйнгээ
дунда
жаргалтай
үбгэн алхалжал ябана
хэбэртэйл даа. Энээнhээ
ехэ жаргал байдаг юм гү
гэжэ ажаглаа hэм даа.
Найман
үхибүүд
тухайнь
дурдангүй
аргагүй.
Гансаhаа
газар дүүрэхэ гэдэгтэл,
47