хүбүүниинь харуулшан ажалтай . Эсэгын хайран хүбүүн Дондог 1997 ондо наһа бараа .
Доржэ 1956 оной , Эдэрмэгэй һургуулида һураһан , Улаан Үдын ВСГТУ инженермеханик мэргэжэлтэй дүүргэһэн , « Туяа » дэлгүүртэ мэргэжэлээрээ ажалладаг юм . Би буряад хэлэнэй багшань хадаа Доржэ тухай хэдэн үгөөр хэлэхэ гээ һэм : тэршээ тоомгүй , һуури байрагүйшье һаа , хорогүй сагаан сэдьхэлтэй юм һэн . Нэгэтэ эсэгэдэнь хүбүүн тухайнь хэлэхэдэм , « бил иимэ үхибүүн ябаалби даа » - гэхэдэнь , хошон зугаагаар хөөрэлдөөмнай дүүрээ һааб даа . Хаа яа Доржэтой уулзахадам , үнөөхил урин зулгыхан зангаараа ябагша , баясагшаб . Угаа алдаха бэшэ гүб даа .
Хани нүхэрынь Наталья Лыкшитовна , дээдэ мэргэжэлтэй эмшэ . Улаан – Үдын 1-дэхи поликлиникын таһаг даагша .
Үхибүүдынь Женя БГСХА-да 3-дахи ангин оюутан , эрхимээр һурадаг . Саян БГСХА-да 1-дэхи ангин оюутан .
Даша нютагайнгаа һургуулида сантехник ажалтай . Нүхэрынь Любовь дэлгүүрэй наймаашан . Ехэ басаган Даримань БГУ-да буряад хэлэнэй шэглэлдэ 4-дэхи ангин оюутан . Мунко БГУ-да 3-дахи ангин физикэ-техническэ шэглэлэй оюутан . Мэргэн 10-дахи ангида һурагша , эрхим һурадаг . Шаашалдаанай тамиршан . Дагба нютагтаа һургуулиин тракторист . Дамдин нютагайнгаа һургуулида тамирай багша . Хани нүхэрынь Соёлма тоо бодолгын багша . Басаган Туянань 7-дохи ангиин һурагша , Хэжэнгын лицейдэ һурана . Сантаб 4 наһатай өөдөө боложо ябана .
Юугээршье сэгнэшэгүй юрын жаргал дүүрэн эдлэжэ ябаһан Дандаржамсо Гунзэма хоёртоо үреэл нютагаархидайнь зүгһөө хэлэхэ хүсэлэнтэйб : үглөө бүри наранай һайханиие угтажа , үдэр бүри жаргалай һайханиие эдлэжэ нютагайнгаа түмэн зоной түрүү гэгдэжэ , элүүр энхэ аша гуша , зээ зээнсэрээ харалсажа , буянгаа арьбадхажа , хоёр рабжунай наһа наһалжа ажаһуухатнай болтогой .
2003
БУЯНТАЙХАН ҺУУГЫТ ДАА Yнэр бүлэ тухай
Түби hайхан тоонто нютагтаа бүхы наhандаа ажана амгалан түбхинэнхэй , үри зөөри тэгшэ үдхэн , элүүр энхэ ажаhууха гээшэ ямар ехэ жаргал гээшэб !
Yни холоhоо hанаандаа хадагалжа ябаhан хүсэлөө уншагшадтаа хөөрэхэ хүсэлэнтэйб . Аюр Намсараевич Гармаевтан гээшэ найман хүбүүд , басагадай эхэ , эсэгэ , ажалша хүдэр хүбүүдтэеэ суг ойро ажаhуудаг юм . Эсэгын үхибүүд үендөө хүрэхэдөө , тала дайдаар таража ошоогүй , булта түрэhэн тэнжэhэн Хөөрхэ нютагтаа айл аймагууд боложо түбхинэнхэй .
Би өөрөө эсэгыень бүришье үнихэнэй мэдэхэб даа : анханда үмсэ байхада , нютагтаа Юугтэ гэжэ нугада минии эсэгэтэнээр хаяа хадхажа , баян Гарматан гэжэ алдаршаhан нэрэтэй айлайхи Жинба , Дарима , Аюр , Дулма гэжэ дүрбэн үхибүүтэй
46