"Эхэ нютаг Хоорхэмни" Эхэ нютаг Хоорхэмни | Page 206

АХЫНГАА ДУРАСХААЛДА
Үдэшэхэ сагай тулажа ерэхэдэ,
Үтэлһэн төөдэйһөө таһаржа ядаһаар,
Үргэһэн эжыһээ һалажа ядаһаар,
Үүдэнэйнгээ богоһые алхажа ядаһаар,
Уһатаһан нюдөө угаажа
Буян дэлгэжэ, һанал түүрээнэб сэлмээд,
Эрхэшэг байһандаа эшэн татаад,
Эрын зориг эршэдэн зангидаад,
Эмээлтын жолоо сэргэһээ абхуулаад,
Хүдөө нютагайнгаа хүбүүдээр хамтадаа
Хазаарта моридоор баруулаа бэлэйш.
Хорин наһа гүйсөөгүйдөө
Холын дайнда мордоо бэлэйш...
1942 ондо Калининска можын дэбисхэр дээрэ унагшадай тоодо сэрэгшэ,
хайрата аха Семенов Сампил Васильевичтаа зорюулһан шүлэгынь олоной
сэдьхэл хүдэлгэнэ. Тосхон бүхэндэ алтаар бэшээтэй нэрэнүүдтэй хүшөөнүүдэй
урда зогсожо, эдир залуухан хүбүүднай Эхэ оронойнгоо амгалан байдалай түлөө
эгээл үнэтэй ами наһаяа үгөөл гэжэ бодоходо, һүрөөтэй, гунигтай.
Мүнөө үеын залуу үетэндэ хэлэнэбди: хүшөөнүүдэй ойгуур гарахадаа, дүтэлжэ
нэрэнүүдыень уншаад, ёһолон зогсогты! Нютагаймнай эдир хүбүүд амгалан
ажаһуухымнай түлөө ами наһаяа үгөө, шулуун хүрэгүүд болонхой, үеын үедэ
тэдэнэй баатаршалга, нэрэнүүд мүнхэ. Тэдэнэр ажаһууха ехэл дуратай байгаа.
Хүүгэдтэ зорюулһан бэлэг шүлэгүүдһээнь үгэе:
УЛААЛЗАЙ
Ташха улаахан улаалзай,
Талын сэсэг сооһоо
Таняаб, шамай, холоһоо
Таатай олоор ургааш даа,
Тааһан шэнгеэр даллааш даа.
Гол улаахан улаалзай,
Газарай дээжэ хүрьһэндэ
Ганса гансаар монсойһон
Гамтай амтан тибһышни
Гадаһаар хүндэн абахам гү?
Хүжэ улаахан улаалзай
Хүдөө талын домог лэ!
Хун сагаан хэшэгшни -
Хурабшын шэнээн тибһэншни
Хүн бүхэнэй бэлэг лэ!
204