"Эхэ нютаг Хоорхэмни" Эхэ нютаг Хоорхэмни | Page 202

«Угсаатанайнгаа уянга аялгатуулаан...» гэһэн бүлэг соо буряад угсаата зоной
Хүхэ Мүнхэ Тэнгэриин заяагаар Газар дээрэ түрэһэнэй заяан.
Үлгэн энэ дэлхэй
Үхибүүнэй тоонто болоно.
Хүн газараа тэбэрин уйлажа түрэхэдөө,
Хара Тамын ороной бүхы
шатануудые эндэл гаталха заяатай!
– гэһэн мүрнүүд соо хүн түрэлтэнэй оршолонгой далайе гаталха наһанай харгы
тухай ямар гүнзэгы гүн ухаанай удхатайтаар бэшэһэниинь уншагшын дэлбэлэн
ойлгохо, тэрэнэй ухаан бодолой мэдэрэлһээ дулдыдаха гээшэ ааб даа.
Тиимэ ушарһаа Газар дайдада түрэһэн ушараа, хаанаһаа ямар үүргэтэй
түрэһэнөө ойлгохые оролдожо, буянтай, ашаг үрэтэй ажалда энээхэн богонихон
болзортой наһаяа зорюулбал, ехэтэ һайн бэлэй.
Зохёолшонай иимэрхүү удхатай хэды олон шүлэгүүд ном соо оронхойб,
шүлэгүүдэйнь үгэ бүхэн соо, бадаг бүхэн соо һургаал, юртэмсын ажабайдалай
удха, тайлбари үгтэнхэй. Тиимэһээ Зохёолшонай номуудайнь удхаар үргэн
уншагшадтаяа үулзалга, хөөрэлдөө хэбэл, илангаяа һургуулинуудай һурагшад,
түрэлхид, багшанарай хабаадалгатайгаар үрэ дүнтэйнь дамжаггүй.
Түгэсхэлдэнь, хүндэтэ Мэри Матвеевна, Хүхэ Мүнхэ Тэнгэриин заяагаар Газар
дайдадаа түрэһөөр 55 наһанайтнай ойгоор амаршалаад,
Он жэлэй ошохо бүри
Омог дорюун зандаа,
Һара жэлэй ошохо бүри
Һайхан сарюун зандаа,
Олоной түлөө оролдожо,
Олон боти номуудаа
Олон уншагшадтаа бэлэглэжэ,
Хэһэн хэрэгтнай, хэлэһэн үгэтнай
Аршаан болон арад

түмэнөө арюудхаг лэ.
2001
АРАД ОЛОНОЙ АШАТЫН БУЯНДА
Бурханай номой айладхалаар хүнэй наһан гээшэ модоной набшаһад мэтэ
һалбараад, хагдаршадаг гэжэ бэшэхэдэнь, залд гээд абахаар болодог. Эзэлүүдгүй
энээхэн наһандаа ямар буян хэгдээб гээд һанаадхёо бэлэйб.
200