"Эхэ нютаг Хоорхэмни" Эхэ нютаг Хоорхэмни | Page 200

хөөрэлдөө үнгэргэжэ, (хүтэлбэрилэгшэнь Рабданова Сэсэг Цыреновна)
сугларагшадай сэдьхэл баясуулаа бэлэйбди.
Мүнөө «Уянга» гэһэн номойнь удха дээрэ тобшохоноор тогтожо, уншагшадтаяа
һаналаараа хубаалдаха хүсэлэнтэйб.
Тус номынь 5 бүлэгүүдтэй:
1. Ая гангаар анхилһан аажам тэнюун Үбэсэмни.
2. Наһаараа дуулажа ябаарай, нарандал гэрэлтэй дуран тухай.
3. Нүхэд тухайгаа дурдалга.
4. Жэлэй дүрбэн саг магтан дуулаанаб.
5. Угсаатанайнгаа уянга аялгатуулаан.
УГАЙНГАА СОЛО ДУУДААРАЙ
Таряан далайтай Шонтогорой гүбээ
Таряаша, малшадай тоонто
Баасгай, Горхон, Боро хаал, Үбэсэ
Буряад зоной баян бууса.
Аба эжын хэшэгтэй, буянтай
Ая гангаар анхилһан нютаг.
Бөө дархашуулһаан үндэр заяатай
Баян түүхэтэй Түүхэтэйн...
Үндэр заяатай, баян түүхэтэй буряад нютагууд хэды олон байбашье, гүрэн
доторхи хубилган шэнэдхэлгын шэрүүн долгиндо сохигдожо, ажабайдалай
доройтон уналга орон дотор боложо, бүхы зоной ажаһуудал нилээд доройтоо. Тон
гэмшэлтэйнь: ургажа ябаһан үри хүүгэд үлэсхэлэн, үбшэн тахалда нэрбэгдэнэ.
Ажалгүй зайгуул зон олон. Ой тайга гал дүлөөр жэлһээ жэлдэ соробхилно,
амитад гэмэлтэжэ, хосорно. Уһа голнуудай һаба хатаагдажа, хүнэй ажаһуудалда
сэгнэшэгүй хохидол болоно.
Дээрэ дурсагдаһан гансахан шүлэгэй удхаар үргэн хөөрэлдөө эмхидхэхээр
гэжэ ойлгохо ёһотойбди.
Илангаяа ургажа ябаһан эдирхэн эрхэтэдтэй һургуулинуудта хөөрэлдөө хэбэл,
үрэ дүнтэйнь дамжаггүй. Ухаансар үхибүүд бодолдоо бүхөөр хадуужа абадаг юм.
ЭХЭ ҺАЙХАН НЮТАГНИ
Эхэ һайхан нютагни…
Үбсүүндэш эрхэлэн,
Үхибүүдш наадаг лэ.
Элдин талааршни
Энедэн дуулдаг лэ.
Эхэ һайхан нютагни…
198