Yлзытэ энээхэн юртэмсэдэ элдэб юумэн ушардаг даа. Тиимэhээ энээхэн үгтэhэн наhанайнгаа хугасаае хүн бүхэн тон зүбөөр эдлэжэ шадаhай даа.
Би багша хүн хадаа hурагшадhаа « жаргал гээшые юун гэжэ ойлгонот » гэжэ асуухадам, « эжы абын энхэрэл, элүүр бэе » гэжэ хөөрхэдни харюусадаг. 12-13-тайхан үхибүүдтэ бэшэ юун хэрэгтэйб даа. Гэнэн хонгор сэдьхэлдэнь дэлхэй дүүрэн наран ха юм даа. Yтэлхэ наhандаш үринэрэйш энхэрэл – жаргал гээшэб ааб даа. Мэри Матвеевнагай аяншалhан холо ойрын газарнууд, танил нүхэд олон. Бодолнуудаараа баясан, урмашан уянгата мүрнүүдээ дэлгэн түүрээхэнь hайхан. Шүлэг бүхэнэйнь удха уншагшадта хэды hайхан мэдэрэл, бодол түрүүлдэг хүсэтэй үгэнүүд бэ.
Шүлэгүүдэйнь оршуулганууд эхэ бэшэгhээ холодоогүй, уян нугархай тодо хэлээр бэшээтэй, hайшаалтай.
Родимые песни дурманят – От запаха цветов голубых. Шелест травы и туманы … Я песню слагаю о них. И плавно напев мой струится Под цокот звонких копыт. И песня моя, словно птица, Над степью бескрайней летит.
Шэлээр hубhатаhан шүүдэртэй, манатай үглөөгүүр агтын туруунай түбэрөөн доро Мэри Матвеевнагай аялга дууниинь ханхинаг лэ гэжэ үреэе.
1998
НАҺААРАА ДУУЛАЖА ЯБААРАЙ
Хэлэ бэшэгэй эрдэмэй кандидат, БГУ-гэй доцент ХАМГУШКЕЕВА Мэри Матвеевнагай « Улгы тоонто Үбэсэмни »( 1997), « Уянга », « Бурятская поэзия »( 1999), « Үе сагай гуурһаар »( 1999) номууд тухайнь һанамжа.
Мэри Матвеевнагай зохёолнуудайнь онсо илгаань- оршон тойрониие, юртэмсын бүхы ажамидаралые тон онсо өөрсэхэн өөрын дабтагдашагүй мэдэрэлтэйгээр уян сагаан сэдьхэлээрээ бөөмэйлэн харуулдагынь уншагшадай бодолдо эршэтэй түлхисэ болодогынь ехэ һонин.
1998 ондо манай Улаан Үдын 19-дэхи һургуулиин 10-дахи ангинуудай һурагшад багшанартай, хотын 30 гаран һургуулинуудай хүмүүжүүлэгшэдтэй Мэри Матвеевнагай « Үлгы тоонто Үбэсэмни » гэһэн номойнь удхаар тон һонирхолтой
197