"Эхэ нютаг Хоорхэмни" Эхэ нютаг Хоорхэмни | Page 198

Yдэртөөш, hүниндөө намхантайл.
Түмэн зондоо алдартай
Түрэhэн минии тоонто лэ.
Тэхэрижэ дахяад, баяртай
Тэбэрин шамайгаа унахалби.
Зохёолшон түрэhэн нютагаа хэды hайхан гүн сэдьхэлэйнгээ оёорhоо гаран
удхалан бэшэнэб даа. Иигэжэ хэзээдэшье, хаанашье ябахадаа, түрэhэн, тэнжэhэн
тоонто нютагаа магтан дуулаха үндэр сэдьхэл, шадал абажа түрэhэн бэлигтэй
басаган гээшэл даа.
Тоонто талаяа дэрлэшоод,
Торгоор орёолгоhондол хэбтэнэлби.
Ургы,ногоониинь сэсэглэшоод,
Урдаhандал аятайханаар бүжэглэнэ лэ.
Энээхэн улаахан зүрхэндөө –
Эрдэнитэ юртэмсэ багтаанхайб.
Түрэhэн, үдэhэн Yбэсэхэнөө
Түүрээн мүнөө магтанхайб
- гээд, юрын үгөөр дабтажа хэлэшэгүй hайхан мэдэрэлдэ абтадаг боди сагаан
сэдьхэлтэй басаган бэшэнэ. Дээдын Бурхадшье, нютагайнь тахилгата эзэдшье
дууша басагаяа зоригжуулна, дэмжэнэ гээшэл даа. Буряад ороноймной иимээр
нютаг ороноо магтан дуулаха хүбүүд, басагад олошорhой даа!
Гэхын зуура хёмороото сагта газар дайда, гол уhамнай үбшэлнэ, гэмшэнэ.
Энэ ёро муута хэрэгүүд хүнэйл гараар хэгдэнэ. Эхэ эсэгымнай тахижа, hүгэдэжэ
ябаhан элдин дайдаяа аршалха гээшэ мүнөө сагай шухала асуудал гэжэ зон булта
мэдэрнэ. Яагаад энэ асуудал шиидхэхэб?! Саг хүлеэдэггүй. Мүнөөдэр, үглөөдэр
тэхэрилтэгүй сансарын хүрдэдэ эрьелдэн талиидаг гээшэ.
«Жаргал» гэhэн шүлэгөөрөө хубиингаа жаргалые дэлгэн бэшэнэ.
Yлзытэ энээхэн юртэмсэдэ
Yглөө бүри нараяа угтажа,
Хүлэртэрөө hайсаран ажаллажа,
Хүхижэ, дуулажа ябаха гээшэ – Жаргал.
Хөөрхэн нялха үриингөө
Хоншуухан толгойень эльбэжэ
Эхын баясхалан эдлэжэ,
Энхэрэн, тэбэрин hууха гээшэ – Жаргал.
Ханилhан гансатаяа хоюулханаа
Хатуу, хүнгыеншье амасажа,
Хара, сагааниинь хубаалдажа,
Хажуудаш шамтаяа
Амидарха гээшэ – Жаргал.
196