"Эхэ нютаг Хоорхэмни" Эхэ нютаг Хоорхэмни | Page 197

«YБЭСЭМНИ YРЭЖЭЛТЭЙ БОДОЛ ТYРYYЛНЭ»
М. Хамгушкеевагай ном тухай
Монгол уласай үни урда сагта нэрлэhэн Yбэсэ -Yбhэн голой нэрэ тайлбарилжа
бэшэhэн Мэри Матвеевна Хамгушкеевагай «Yлгы тоонто Yбэсэмни» гэhэн
номтой танилсабаб.
Yнихэн даа, залуушаг ябахадаа, Улаан Үдэдэ мэргэжэлээ дээшэлүүлхын ангида
ерэхэдээ, түрүүшынхиеэ Мэри Матвеевнатай танилсаа hэм. Бидэнэрэй, хүдөөгэй
багшанарай урда буряад шүлэг тухай элидхэл уншаhыень мүнөөшье hанаад
ябадагби. Тиихэдэ «нилээд ольhотойхон бодолнуудтай шэдитэйхэн басаган ха
юм даа» гэжэ hанаа hэм. Тэрэл басагамни дуулахадам, үдэр бүри соло нэрэнь
олондо мэдээжэ боложол байна.
Москва хотын Зохёолой һургуули амжалтатайгаар дүүргэhэнэй hүүлдэ
аспирантурада hуража, «Формирование и развитие жанра поэмы в бурятской
литературе» гэhэн сэдэбээр диссертаци хамгаалжа, эрдэмэй кандидат нэрэ
зэргэдэ хүртэhэн байна. Мэри Хамгушкеевагай олон тоото шүлэг, поэмэнүүдынь
«Байгал», «Неман», «Байкал» сэтгүүлнүүдтэ хэблэгдэдэг. «Залуу наhанай охин»,
«Усть Ордын дуун», «Yбэсэ гол урина» гэhэн согсолборинууд соо зохёолнуудынь
хэблэгдэhэн юм.
Мэри Матвеевна – шүлэгшэн, оршуулагша,
зохёолой шэнжэлэгшэ, филологиин эрдэмэй
кандидат, БГУ–гай доцент – зохёохы ажалайнгаа
охин соо арадтаяа хамта ажаллажа ябана.
Зохёолнууд соогоо оршон тойронхи газар
дайдаяа, арад зоноо, юртэмсын байдалай ушар
удхые дээдын гүн ухаанай мэдэрэлтэйгээр
сэдьхэлээ хүдэлгэн бэшэдэг юм. Зохёол-нуудайнгаа
баатарнуудтай дүтэ харилсаhан мэтэ уянгата
мүрнүүдээ найруулхань Зохёолшонай онсо маяг
гээшэ ааб даа.
Радиогоор шэнэ хэблэгдэhэн ном сооhоо хэдэн
шүлэгүүдээ уншаhанайнь hүүлээр, яажаш hаань тэрэ
номынь олохо гэжэ шиидэбэб. Хотынгоо номуудые
наймаалдаг газарнуудаар yсэд нэтэрүүгэ