"Эхэ нютаг Хоорхэмни" Эхэ нютаг Хоорхэмни | Page 189

Морин харгы,
Модон гэр
һанаандам гэнтэ аржына.
Эсэгын эшэлһэн хажуур,
Эжын үнеэнэй ооһор,
Үглөөнэй шүүдэр,
Үдэшын ёохор
һанаандам гэнтэ аржына.
Үндэр тэнгэри, одод,
«Үзэглэл», үльгэр, домог,
Уулын хүрэг,
Ууган нютаг
һанаандам гэнтэ аржына.
Тоонто нютаг эгээн дүтэ, эгээн дулааханаар бүхы наһандаш һанагдадаг
байна.
Өөдөө үндыжэ, нюсэгэн хүлөөрөө оймоһон гол горход, тала нуганууд, алим
жэмэстэ хүтэл дабаанууд. Улаан ташаар ургадаг байһан улаалзай сэсэгүүд. Үндэр
добын хангал ногоон мангир, хара торюун мойһото Хэжэнгэ голой шугынууд.
Үни холын саг болооошье, сэдьхэлдэш ойрохоноор һанагдадаг. Тэрэ сагай
байдал бидэ багашуул үзэлсэһэн байнабди. Эжынэрнай эгэшэ торгон хубсаһаш
үмдөөгүй, түмэр харгыгаар хотооорш ябаагүй, онгосооршье ниидэжэ үзөөгүй,
хотын гудамжаар ябажа, театрташ орожо үзөөгүй. Хара ажал хэжэ, бүхы наһаяа
үнгэргөөл даа. Илалтын 60 жэлэй ойн баярта Илалта шэрэлсэһэн эжынэрэйнгээ
нэрэнүүдые мүнхэлхэ бодомжо табинабди.
Саг жэлэй ошохо бүри нютагай шарай хубилна. Үнгэрэгшэ зун зуһаланайнгаа
газараар ябажа харахадаа, иигэжэл нютагни хүндэ үбшэндэ нэрбэгдэжэ, хэндэшье
хэрэггүй шэнги хэбтэнэл даа гэжэ һанахадам, харамтай, уйдхартайшье байгаа
һэн. Теэд яахаб. Сагай эрхэ хүсэтэй. Аша гушанараймнай хубида нютагаймнай
үрэжэлтэ газар үндыхэл гэжэ найдая.
Энэ ехэ гүн удхатай бодолнуудые уншагшадай һонорто дурадхабабди…
Аяа хүндэтэ Ардан Лопсонович!
Арадайнгаа аша туһада туйлаһан амжалтануудайнгаа түлөө үндэр нэрэ зэргэнүүдтэ
хүртэһэндэтнай олон уншагшадайтнай зүгһөө гүнзэгы баясхалан хүргэнэбди.
«Агууехэ шэди» номыетнай уншажа, сэдьхэлээ баясаха зуураа, олон
уншагшадтаяа һаналаараа хубаалдаха хүсэлтэйб. Тус номо