Сэсэн бодолтой буряад арадни, ерээдүйн ажана амгалан тэнюун ажабайдалаа зохёогыт. Саг хүлеэдэггүйл.
Дороһоо сохилоо аршаантай газарнуудаа һэргээжэ, доройтоһон үбшэнтэй зоноо элүүржүүлыт. Жэшээнь, Эдэрмэг нютагта Хэжэнгын аймагай Асын аршаан бронхит, ханяадан үбшэндэ ехэ туһатай гэлсэгшэ һэн. Нютаг бүхэндэ элдэб зүйлэй хүндэ туһатай ха юм даа г. м. бодомжонууд дээрэ нютагуудай захиргаанууд, экологууд юрын ажалша арад бодомжолыт.
Зохёолшон хэды һайхан уянгата үгэнүүдээр
Ами наһанай найдалтай, аглаг дайдам үрэжэлтэй …-
гэһэн уряа үгэнүүдээр уншагшадтаа ханданаб? Дун сагаан сэсэгүүдэээ дэлгэн, мойһон үлирэй һөөгүүд найган надхан анхилжа эхилбэ. Ой тайгаар сорьёмо хангалтай дүлэтэ тэрэнги сэсэглээ. Гэн гэтэр хомогор хюмһатай хоёр хүлтэй нүгэлтэн байгаалиингаа дайсад боложо эхилээл! Хотын гудамжаар баглаануудые баринхай һэнгэргүй алхалжа эхилээл. Эдэнэрэй хорото « хюмһыень » түргэн тайрыт. Дээдын захиргаан, экологууд, багшанар дары хэмжээ абыт, аршалыт байгаалияа, булта хам оролсоёл.
Тэдэнэрые хэһээхэ яла ашаха хэрэгтэй, радио, телевидени, һониннүүдтэ тусхай асуудал табигдахаар үни болонхойл. Эхэ байгаалиимнай һаба хооһорхо тээшээ боложо байдагынь бултанда мэдээжэ.
Энэ хадаа асуудалай ехэ асуудал! Би багша хүн хадаа түрэл һонинойнгоо нюураар хэлэхэ байнаб: минии һурагшад байгаалида добтолдоггүй. Манай 19-дэхи һургуулиин шадархи мойһоной һөөгүүд сагаан сэсэгүүдээ дэлгэн, найган надхан анхилжа, ургажа олохон һурагшадаа угтажа, үдэшэжэ шадал нэмээлсэн байдаг юм.
Зохёолшын хэлэгшээр уһанайнгаа бэлүүр, һаба шэргээһэн мелиораторнууд гэгшэдтэ сэхэ хабаатай бшуу:
Газар һэндэн ябаашад, Гахайн толгой зүүһэншүү, Гани галзуу болоошод « Нохойн наадан » гэгдэһэншүү Булта бү болоёл!
МҮНХЭ БАЙГААЛИ
Ямаршье бэлигтэй уран зурааша гээшэб даа, байгаали. Ябажа гарахадаа, золгохо бүреэ мэдэрнэм. һүгэдэнэм. Ямаршье сагта хүгшэн эхын сэдьхэл мэтэ дэлгэр лэ ёһолон золгоһон газартам
180