"Эхэ нютаг Хоорхэмни" Эхэ нютаг Хоорхэмни | Page 163

Энэ хадаа ажалай тон харюусалгагүйгөөр эмхидхэгдэһэн байдал Эрдэм
һуралсалай яаманһаа гэжэ сэхэ хэлэе.
Үрдиһэн зарим багшанар абаа юм бэзэ. Олонхи бидэнэр түхэл шарайеньшье
харангүй үлэбэбди. Гээгээгүй аад, бэдэрхэ саг тудабал гээшэ.
Зоригоо мохонгүй, амжалтатай, урагшатай бултал ажаллаял даа.
Хүндэтэ һурагшад, багшын һайгаар эрдэмдэ һурагты, абын һайгаар ажалда
һурагты!
1994-95 оной һуралсалай жэл.
ЭРДЭМ ШУДАЛХА ХЭШЭЭЛНАЙ
ХЭРЭГГҮЙ БОЛОО ГЭЖЭ ГҮ?
Уран зохëолшо, шүлэгшэн Б.Базароной түрэһөөр
90 жэлэй ойһоо бодолнууд
Бато Базароной газар дээрэ гансахан наһандаа бүтээһэн уянгата зохëолнууд Эхэ
оронойнгоо халуун амисхалаар нэбтэрэн мүндэлһэн гээшэ. Ажабайдалай дабшаса,
алхамууд поэмэ, шүлэг, баснинууд соонь тодорхойгоор тобойсо харуулагданхай.
Һургуулиин хүтэлбэринууд дотор «Хоëр Север», «Эхэ оромнай һайхан даа»,
«Зүгы» гэһэн зохëолнуудынь 4-дэхи, 6-дахи ангинуудта шудалагдадаг.
Үе сагай үнгэрбэшье, шэнэ үеын халаанай ерэбэшье, арадаймнай, ороноймной
түүхэ, асари ехэ амжалта, туйлалтануудые аржыса алтаар бэшэгдэн, үеһөө үедэ
дамжуулагдан үлэдэг байһаниинь гүн удхатай.
Тиимэһээ залуу үетэндэ хандажа, «Эхэ оромнай һайхан даа» гэһэн шүлэгэйнь
удха дээрэ (багшын ажалай дүршэлһөө хубаалдан) тогтохо хүсэлэнтэйб.
Үндэр уула, үргэн талань барашагүй,
Сэнхир тэнгэриин
Хирхаг доогуур шургана.
Гол, мүрэн,
Горход, нуурнууд, һубһагтаад,
Элдин дайдын
Энгэр дээгүүр ялбана.
Иимэ сарюун
Һиилүүр шэмэг нэмэрһэн,
Эрэлхэг дорюун
Эхэ оромнай һайхан даа!
Энэ шүлэгынь 8 мүрнүүдтэй, 4 бадагтай. Бадаг бүхэниинь Эхэ ороноо магтан
дуулаһан дабталга мүрнүүдтэй. Тэдэнииень тодорхойлон, мүнөө сагай байдалтай
зэргэсүүлэн хаража үзэе.
161