һургуулиин зүжэгшэд: Тугаринова Ирина, Тахонова Ольга, Байбородина Анна, Ринчинова Варвара, Подценко Евгения ба бусад, тамирсменүүд: Пелевин Сергей, Кожевин Илья, Федоров Егор, Тарабукина Мария, Батоев Вячеслав гэгшэд. Дармаев Александрые тусгаар нэрлэмээр: тэрээнһээ һурагшадни ямар нэгэ онсо асуудалаараа зүбшөөл абадаг һэн.
Һургуулида дүрбэн жэлэй хугасаа соо профсоюзна комитет хүтэлбэрилөөб. Мүнөө ород хэлэнэй багшанарай МО хүтэлбэрилнэб. « Буряад зохёол » гэһэн тусхай өөрын туршалгын хүтэлбэреэр ажалланаб.
Энэ ехэ ажалдам туһа хүргэдэг дүршэлөөрөө хубаалдадаг ажалай ветеран багшанартаа баясхалан хүргэхэм: Жигимонт Зинаида Степановна, Кокина Вера Ивановна, Каницкая Нина Максимовна гэгшэдтэ. Мүн сугтаа ажалладаг зохёолой багшанар: Шарыгина Марина Владимировна, Рабданова Сэсэг Цыреновна, захирал Хамнуев Владимир Иванович, орлогшонор Данилова Светлана Гармаевна, Выдрина Людмила Владимировна гэгшэд болоно.
Өөрынгөө үхибүүдые нэрлэбэл: Светлана Улаан Үдын эмнэлгын дунда һургуули дүүргэнхэй, эм найруулагша( фармацевт) мэргэжэлтэй, Хабаровскын эмэй дээдэ һургуулида һурана. Бага басаган Арюна – ВСГТУ-да электротехническэ шэглэлэй 5-дахи ангиин оюутан. Басагадни бүлэтэй, үри хүүгэдтэй түбхинэнхэй »,- гэжэ Вера Базаровна омогорхон хөөрэнэ.
Түгэсхэлдэнь, багша болохо хуби заяагаа дүүрэн эдлэжэ, олон һурагшадайнгаа хүн болохо наһанайнь зам ололсожо ябадаг буянтай багшадаа үндэр амжалта, нэрэ зэргэ булта һурагшад, багшанарайтнай зүгһөө хүсэе.
2003
АРШААН БОЛОЖО ДЭЛГЭРЭГ ЛЭ!
Н. Г. Дамдиновай « Мүшэтэ харгы » гэһэн һанаануудай гүрлөөе, арбан табан шүлэгһөө бүридэһэн зохёолые буряад һургуулинуудта 11-дэхи ангида үзэдэг гээшэ.
Зохёолыень шудалан үээхынгөө урда онсолон иигэжэ тэмдэглэхэ хэрэгтэй: нэгэдэхеэр, зохёолшон зохёолойнгоо лирическэ баатараар дамжуулаан, зохёолоороо уншагшадтаяа сэхэ хөөрэлдэдэг юм; хоёрдохёор, зохёолнуудайнь дэлисэ гүн ухаанай удхатай, һурагшын сэдьхэлдэ шэнэ бодол, мэдэрэл түрүүлдэг, мартагдашагүй мүр, сараа үлөөдэг, тэдэнэй хараа бодолой ургаха ябадалда оньһото түлхюур боложо үгэдэг юм; гурбадахяар, зохёолнуудайнь үгэ бүхэн тодо ойлгосотой, онобшотой хурсаар хэлэгдэдэг.
Зарим шүлэгүүдэйнь удха дээрэ өөрынгөө ажалай дүршэлһөө, уншагшад, таанартаяа хөөрэлдэхэ дуран хүрэнэ.
Ороноймнай 1-дэхи интернат һургуулиин эрхим һурагшадайм зариман: Содномпилов Доржэ, Дагданова Дарима, Цыренжапова Гэсэгма, Цыбикова Долгор гэгшэд Эрхүүгэй дээдэ һургуулиин һурбалжалагшын( журналистикын)
150