юм даа.
Эжымни бэеэ шанга барижа шулуудан, намаяа Эрхүү хото дээдэ һургуулида орохыемни эльгээһэн юм. Эсэгынгээ һанаа заабол дүүргэхэ уялгатайш гэжэ хэлээ һэн.
Эжымнай гансааран үлэбэшье бултандамнай дээдэ һургуули дүүргүүлжэ шадаһан юм. Эсэгынгээ мэндэ ябахада үхибүүдтээ бултандань дээдэ мэргэжэл олгохобди гэжэ хэлсэдэг байгаа. Эрэлхэг зоригтой Баатар-Эхэ гээшэл даа.
Эсэгэмнай налгай даруухан зантай, ажалша, гэр бүлэдөө, хани нүхэртөө, үхибүүдтээ эмээхэй хүн байгаал даа. Өөрөө бишыхан наһандаа 2-тойхон байхадань эжынь наһа барашоо. Эсэгэнь – 10-тайдань ябашоо.
Эрхые һуранхаар, бэрхые һура гэдэгэй ёһоор эжымнай эрхэ бэрхэ гэдэгые үнэнөөр сахижа, угайнгаа ёһо заншалые алдангүй, аха зониие хүндэлжэ, бэе бэедээ энхэрэн зөөлэн сэдьхэлтэйгээр һургаал үгэжэ шадаһан гэжэ булта аха дүүнэр ойлгожо ябадагбди.
Ашата эжымнай бултандамнай һургуули, мэргэжэл олгожо шадаһан холын харасатай зориһондоо хүрэдэг эхэнэр гэжэ сэхэ хэлэхэ хэрэгтэй.
Манай гэр бүлэ эбтэй эетэй, бэе бэеэ гамнажа, хүндэлжэ шададаг угай нарин һургаалтайбди гэжэ ойлгодогбди. Эжымнай 6 ашанар, 6 зээнэртэй.
Хоёр бэреэднай багшанар: Нина Гармаевна – тоо бодолгын багша, Баирма Шираповна – Ааланай дунда һургуулиин түрэлхи хэлэнэй багша. Хүрьгэн Цырен Бадмаевич – Хориин малай үртөөдэ эмшэн. Наташын нүхэр сагдаагай харуулда. Иимэл олон үнэр аха дүүнэр бүлэнэртэй эхэ эсэгын үринэр гээшэлди даа.» Вера Базаровна өөрынгөө гэр бүлэ, ажабайдал, ажал тухайгаа иигэжэ хөөрэнэ: « Эрхүү хотын дээдэ һургуулиин филологическэ шэглэл дүүргэмсээрээ, Улаан Үдэ ерэжэ, индустриальна һургуулида комсомол бүлгэмэй нарин бэшэгэй даргаар ажаллаха зуураа багшалааб. Эндэһээл багшын мэргэжэлдэ дурлажа эхилээ һэм.
Захиралынь Будожапова Зинаида Рабдановна, Оросой болон Буряадай габьяата багша, Оросой габьяата барилгашан, 75 наһанайнь ойн баяр дүтэлөө.
Ашата Зинаида Рабдановна, Лидия Доржиевна гэгшэд багшын ажал хүндэтэй хүнгэн бэшэ ажалай онол аргатай танилсуулһан ёһотой багшанарни гэжэ наһандаа баясан, дурсан ябадагби.
1988 ондо Зинаида Рабдановнагай зууршалгаар гэр байратай болоо һэм. 1990 ондо Октябриин аймагай 19-дэхи һургуулида ажаллахаа ерээ һэм, мүнөө болотор энэл һургуулида ажалланаб. Гэртэмнай ойрохон оршодог: үхибүүдэймнай һурахань тон таарамжатай. Тэрэ гэһээр 14 жэл үнгэршэбэ.
19-дэхи һургуулида 1996 ондо мүн энэ жэлдэ һурагшадые һургуули дүүргүүлээб. 14 жэл соо 58 һурагшадай хуби заяанда гол үүргэтэй байһандаа баясадагби, омогорходогби. Түрүүшымни дүүргэһэн үхибүүд мэргэжэлтэй. Наһанайнгаа хуби заяагаа оложо, эжы абанар болонхой.
Энэ жэлдэ һургуули дүүргэһэн 32 һурагшадаймни 6 һурагшад: Федоров Егор, Тарабукина Мария, Тихонова Ольга – алтан шантан, Степанова Светлана, Пелевин Сергей, Шевчук Мария гэгшэд – мүнгэн шантан. Зургаан һурагшад – 1-2 « гурбануудтай » дүнтэй. Һургуулидаа эрхим анги гэжэ нэрлэгдээ һэн.
Һургуулида болоһон хэрэгүүд минии һурагшадгүй болодоггүй һэн. Жэшээнь,
149