тоологшоб. Тиибэшье манай залуу багшанар ажалдаа зохёохы ёһоор хандажа, бишыхан үхибүүдэй анхаралые, сэдьхэлые татажа шададаг, бэдэрхын һайгаар амжалта туйладаг байнал даа.
Сэнхирхэн Яруунада тоонтотой, алим жэмэстэл сэбэрхэн багшанарта эрдэм бэлигээ улам саашань дээшэлүүлжэ, буянтай ажалдань амжалта, хуби заяандань зол жаргал хүсэел даа.
1996
БАГША БОЛОХООР ТҮРЭҺЭН
Сэлэнгын аймагай Үбэр Зөөхэй нютагтай Буянтуев Базар Будаевич табангууд угтай эсэгэтэй Вера Базаровна 195долоон оной сентябриин 7-до үртөө Наушки гэжэ нэрэтэй нютагта түрэһэн намтартай. Багша эсэгэ тухайгаа дурсан хөөрэнэ: « 1926 ондо түрэһэн юм. Хүрбын ЛПХ-да Красный Яр гэжэ нютагта электромеханик, слесарь мэргэжэлтэйгээр ажаллаһан. Залуу наһандаа ПВЗ-дэ шэрэм шудхадаг цехтэ ажаллаа. 1943- 1950 онуудта сэрэгтэ алба хэһэн. 1975 ондо газар дэлхэйһээ мордоо һэн ».
Вера Базаровна ашата эжыгээ сэдьхэлэй зөөлэхэн үгэнүүдээр: « Хайрата манай эжы Буянтуева Цыбандари Цыбеновна, Бодонгууд бүлэдэ 1936 ондо сэлгеэ Яруунын Зүүн Үльдэргэ нютагта түрэһэн юм.
Эсэгэ эхэ хоёрни эдир залуу наһандаа хуби заяагаа 1956 ондо Хэжэнгын аймагай Чесан гэжэ нютагта олоһон намтартай. Тэрэ сагта эжымнай үйлдэбэридэ оёдолшоноор ажалладаг байгаа. Эсэгэмни модо бэлэдхэлэй( леспромхоздо) ажалда хүдэлдэг байгаа. 19 жэлэй туршада гэртэхимни эбтэй 6 үринэртэй үнэр бүлэ ажаһуугаал даа.»
Вера Базаровна гэр бүлэ тухайгаа дурсан хөөрэнэ: « Би ууган үринь байгааб. Минии удаа Александр Базарович – Хори һууринда 1-дэхи дунда һургуулиин захирал. Валентина Базаровна – Хори һууринай « Березка » гэжэ хүүгэдэй сэсэрлигтэ методист мэргэжэлтэй. Галина Базаровна – Хоридо 1-дэхи дунда һургуулииин психолог. Андрей Базарович – Хориин аймагай « Аланский » СПК-гай малай эмшэ, Наталья Базаровна – үмсын үйлдэбэридэ; Андрей ахатаяа эхирнүүд.
Хайрата эсэгэмнай гэнтын аюулһаа гэр бүлэтэеэ хахасаһан юм даа. Бинь эгээ эгэшэнь 17 наһатай, багахан эхир дүүнэрни 2,5 наһатайханууд эсэгэһээ гээгдэһэн
148