"Эхэ нютаг Хоорхэмни" Эхэ нютаг Хоорхэмни | Page 14

адхахаяа болиhон зон гээшэ бэ!» - гэхэдэм: «Трактортамнай солярка олдохонь
бэрхэтэй юумэл», - гэбэ.
Саашань анханайнгаа байдал тухай бодомжолноб. Манай эжынэр hаалишад
байхадаа, мори шарга, тэргээрээ жэрытэр шэбхэнүүдээ шэрэжэ, таряалан,
сабшаланай газар дээрэ гаргажа, уhанай ханааб зубшуулаан адхагша хамнай
даа. Шэбхын шара уhаар уhалагдахадаа, ногоон юундэ ургахагүйб даа? Морёороо
ажалаа хэдэг болоболной, соляркын хэрэгтэйньшье багахан болохо hэн даа.
Мүнөөш гайхан hанадагби. Һалгай Нуга гэжэ Хэжэнгын голые зубшаhан үргэн
нугада залуудаа нэгэтэ зун үбhэндэ оролсобобди. Yбhэеэ сабшаха хүмнай морин
косилкатай Санжиин Дамбии (3 моритой). Бидэ залуушуул гар хажуураар нуга
тохой, намаглиг газар сабшагша hэмди. Ехэ дайдада бүхэли зундаа үбhэнэй
хамталаг хүдэлдэг hэн. (Тэндэнь хэдэн зуун малай фермэ байгаа ха юм).
Тэрэл үбhэнэй үедэ сабшаашан Дамбии гурбан морёороо, ганса косилкараа
тэрэ ехэ дайдые бултыень сабшажа гараа агша hэн. Yдэрэй халуунда моридынь
малай хашаа соо нойтон ногоо эдижэ үнжөөд, голойнгоо хүйтэн уhаар уhалаад
лэ, хүсэ шадалаа нэгэш hулдиха гэжэ байхагүй.
Бидэ үглөөниинь – шүүдэрэй хататар гараар сабшахабди. Ажалдаа
гарахадамнай, Дамбиимнай (Дансаранай аба) үни заяанда гаража сабшашанхай,
оролгодоо орохо дүтэлэнхэй ябагша hэн. Yдэшэниинь ехэл орой болотор
сабшагша hэн. Һанахадам, моридынь шарлаашьегүй, бүри тобирнууд болоhон
шэнги агша hэн. Тоног зэмсэгүүдынь ехэл тааранхай: hүүдэр доро үлгөөтэй,
хүлhэниинь хатаагдажа байха.
Мүнөө энэ үбгэжөөл, ажалай болон дайнай ветеран, Улаан Yдэдэ Дарижаб
басаган хүрьгэнтэнөөрөө ажаhуудаг. Дансаран хүбүүниинь нютагтаа Нимаханда
нүхэртэеэ эгээл эрхим фермэрнүүд, нахигар бүдүүн айлайхи ажаhуудаг.
Ногоон гээшэ ургасатай даа: хүдэлхэдэ урматай. Залуу ябахада, эсээшье хадаа,
эдеэлбэл, үнөөхил болоод лэ ажаллагша hэмди. «Залуу наhан – ехэ эрдэм гээшэ
даа», - гэжэ эжынгээ хэлэхэдэ: «Ном судар эрдэм бэшэ юм гү?» - гэжэ бодогшо hэм.
Мүнөө hанахадам, ехэл зүб байгша даа. Yбhэнэйнгөө шэмэеэ табяагүй үедэнь, саг
болзор соонь, шангаханаар булта хүдэлөөд гарагша hэмди.
Эндэ юун тухай хэлэхэеэ hанаа юм гэжэ уншагшадни бодоно ёhотой. Хэзээшье
сагта морин эрдэни хүнэй нүхэр: морёор лэ хамаг ажалаа хэгшэ хамнайбди даа.
Улаан Хаандаа мүргэлсэхэеэ ошоходоо, анханайнгаа нүхэд Аюртан-даа аша,
зээ хоёртоёо хүбүүндээ хүргүүлжэ, хашаагайнь үүдэндэ туласа ерэжэ буубабди.
(Һүнинь ехэ бороо ороhон байба. Хөөрхын шабар мэдээжэ). Арайхан гэжэ гэртэнь
оробобди. Аюр Намсараевич Цырендари хоёр одхон хүбүүн Рампилтаяа обоодоо
бэлдэжэ байба. Булта сайлаад, үүдэнэ