"Эхэ нютаг Хоорхэмни" Эхэ нютаг Хоорхэмни | Page 137

һургуули далдаар дүүргээ. Ажалдаа амжалтатай ажаллаһанай түлөө Гүрэнэй шан,
бэшэгнуудта хэдэн удаа хүртэһэн.
Өөрынгөө мэргэжэл саг үргэлжэ дээшэлүүлжэ, шэнэ онол аргануудые
хэшээлнүүдтээ хэрэглэдэг: можонуудай дундахи бага хурал, семинарнуудта,
баярай уулзалгануудта нээмэл хэшээлнүүдэйнь зурагууд хэблэлдэ нэгэнтэ бэшэ
томилогдожо, залуу багшанарта аргын туһатай хэрэгсэл болоно.
Бидэнэрэй, буряад хэлэнэй багшанарай түшэг тулга боложо, олон нээмэл ехэ
бага хурал, уулзалгануудтамнай бишыхан һурагшадтаяа эдэбхитэй хабаадалсадаг
юм, баясадагбди.
Ангиһаа гадуур ажалдаа уран һайханай гоо хэлбэрэй хүмүүжэл саг үргэлжэ
бишыхан һурагшадтаа хэшээлһээ хэшээлдэ үгэдэг гээшэ.
Саашадаа сог залитай, урин налгай эрхим багшын ажалда үндэр амжалтануудые
хүсэнэбди.
ЗҮРХЭ СЭДЬХЭЛЭЙ МҮРНҮҮД,
ЗҮБШЭХЭ ЕҺОЛОЙ ЗҮЙЛНҮҮД
Улаан Үдын 19-дэхи һургуулиин буряад хэлэнэй дүршэлтэй багша Л.Ш.
Шарлановагай 3-дахи ангида үнгэргэһэн нээмэл хэшээл багшанарай һонорто
дурадхагдана.
I. Бэлэдхэлэй үе а) ХЭШЭЭЛЭЙ ЗОРИЛГОТОЙ ТАНИЛСАЛГА
Мүнөөдэр хэшээлдээ «Манай нютагай шубууд тухай хөөрэлдэхэбди. Энэ сэдэбээ
дабтахабди. Нэн түрүүн удаан аялгантай үгэнүүдые зүбөөр үгүүлжэ һурахабди,
жороо үгэнүүдые түргэнөөр, эли тодоор хэлэжэ һурахабди, багшын асуудалда
дүүрэн мэдүүлэлтэйгээр харюусажа һураха шухала. Шүлэгүүдые уранаар, зүрхэ
сэдьхэлээ хүдэлгэн уншажа һурахабди, шубуудай нэрэнүүдые һайнаар хадуужа
абахабди, бэшэг дээрэ хүдэлхэбди.
б) Аялгын бэлэдхэл: нуга-һан, шу-бууд, у-һан, дальба-раа, даль-ба-раа-нуу-
даа, уур-гай.
Жороо үгэнүүд:
Тохорюун, тохорюун,
Торгон һайхан дэгэлтэйш, -
Томо һайхан һэбюуртэйши. (шангаар, һулаар).
*Таб-таахан
*Туу, бү туу.
ХЭЛЭ ХҮГЖӨӨЛГЫН БЭЛЭДХЭЛ:
1. Мүнөөдэр газаа дулаан гү, али хүйтэн гү? 2. Мүнөөдэр долоон хоногой ямар
үдэр бэ?
3. Мүнөө ямар һара бэ? 4. Мүнөөдэр һарын тоо хэдыб?
Дэбтэрээ нээгээд, һара үдэрөө бэшэгты.
II. Үхибүүд, минии таабари таагты:
Саһан хайлана.
Ногоон ногоорно,
Үдэр ута бо