дэмжэлгэтэй хүдэлдэгбди. Суг ажалладаг хүнүүдни: фельдшер Е. А. Цыдыпова, акушерка; Оросой элүүрые хамгаалгын онсо Н. Б. Раднаева хүдэлмэридөө эрхим оролдосотойгоор хандадаг, зондоо хүндэ ехэтэй аргашан юм ».
Өөрынгөө зүгһөө нэмэжэ хэлэхэдэ, Ородой Адагта ажаһуудаг ветеран Дугар Дондокович хөөрөө һэн: « Галсан Доржиевич гээшэ ганса шүдэнэй эмшэ бэшэ, харин үбшэнтэнэй бүхы махабада бэе аргалдаг ёһотойл хоморой аргашан гээшэ, тиимэһээ Хори, Хэжэнгэ аймагуудай түб, хүдөө нютагуудһаа автобусоор дүүрэн зон ерээд, саг үргэлжэ аргалуулжа байдаг юм ». Тэрэ хөөрөөндэнь урмашан баясаа бэлэйб.
Галсан Доржиевичай онсо һайн шэнжэ дурдаа һаа, олон юм ааб даа. Тэрэ хэдынэйшье сагта эрдэм мэдэсэеэ дээшэлүүлжэ, дэлхэйн соёлой дээжэһээ хүртэхые оролдожо, ном сударта сүлөө сагаа зорюулдагынь дүтынь хүнүүдынь һайн мэдэнэ.
Һаяхан үнгэрэгшэ нютагай өөһэдын захиргаанай хүтэлбэрилэгшэ болон депутадуудые һунгалгада Галсан Доржиевич Гутаповта Ородой Адагай һунгагшад дуугаа үгэжэ, найдалаа мэдүүлбэ.
Улад зоной этигэлые үндэрөөр хүндэлжэ, элүүр энхые сахилгын ажалдаа эршэмтэй һайн ябахыень үреэгээд, үргэн Буряад оронойнгоо түрүү зоной дунда нэрэеэ нэрлүүлэлсэхэ габьяада хүртэхыень хүсэгшэ. багша Роза Дашиева
ТҮРЭЛХИИН БЭЛИГТЭЙ БАГША
Улаан Үдын 19-дэхи һургуулиин эхин ангинуудта багшалдаг эрхим багшанарай нэгэн Людмила Шагдаровна Шарланова хадата Хурамхаан нютагта 1959 ондо июлиин 20-до түрэһэн юм. Гааргын дунда һургуулида һуража байхадаа, эрхим һуралсалай, ниитын ажалда эдэбхитэй хабаадаһанай түлөө шанда хүртэжэ, Бүхэоросой пионернүүдэй зуһалан Артектэ амарһан юм.
1976 ондо Гааргын дунда һургуули эрхимээр дүүргэһэн юм. Удаань Улаан Үдын Чайковскын нэрэмжэтэ хүгжэмэй һургуулида ороһон юм. Ниитын ажалда эдэбхитэйгээр хабаададаг: старостын уялга дүүргэдэг байһан. Училищаяа амжалтатайгаар дүүргэһэнэйнгээ удаа багшаар хүдэлжэ захалаа.
Людмила Шагдаровна манай 19-дэхи һургуулида үнихэнэй ажаллана. Улаан Үдын багшанарай дээдэ
134