"Эхэ нютаг Хоорхэмни" Эхэ нютаг Хоорхэмни | Page 135

Нютагайхидтаа тон найдамтай эрхим аргашан
гэжэ магтуулдагынь шангахан шалгалта боложо
үгэһэн гээшэ. Ниитын ажалда эдэбхитэй
хабаададаг: Жабар Үбгэн хододоо болодог,
нютагаархинаа баясуулдаг, нютагайнгаа наһатай
зоной, үхибүүд, үетэн нүхэдэйнгөө дүрэ-фото
буулгажа хубаахадань, хэн баясахагүйб!
Галсан Доржиевич Гутапов Улюнхаан, Шэнэ Уоян
гэжэ нютагуудта фельдшер аргашанаар ажаллаһан
намтартай.
Удаань тэндэһээ Шэтын эмшын һургуулида
һурахадаа, «Һуралсалай онсо» гэжэ самбарһаа
нэрэнь 5 жэл соо буугаагүй, эрхимүүдэй тоодо
ябадаг юм һэн гэжэ Улаан Үдын Семашкын
нэрэмжэтэ ороной эмнэлгын дээдэ мэргэжэлтэй
отологшо эмшэ, эмнэлгын эрдэмэй эрдэмтэн Галан
Дамбиевич Гунзынов хөөрэнэ.
Галсан Доржиевич дээдэ һургуулияа дүүргээд,
ординатурада һуралсаа. Баргажан нютагта, ЛВРЗ-дэ (МТС) шүдэнэй отологшо
мэргэжэлээр амжалтатай ажаллаба. Эдэ жэлнүүдтэ тэрэнэй эмшэлхэ арга онол
үргэн дэлисэтэй болоһон, ажабайдалайнь дүршэл нилээд гүнзэгырһэн ааб даа.
Шэнэ хубилалтануудай түлэгтөө орожо, хүдөөгэй улад зоной (гансашье хүдөө
бэшэ) орёохон байдалда амидарха сагаар, Галсан Доржиевич тоонто нютагайнгаа
Хөөрхэ һууринда амбулаториин хүтэлбэрилэгшөөр тэбхэр арбан жэл соо хүдэлбэ.
Энэ эмнэлгынгөө хүдэлмэри үргэдхэжэ, 3 туһаламаршантай болгоо: анализ
абадаг, 2-3 оронтой үдэрэй стационар, УВЧ аппарат бии болгоһоной ашаар заха
хизаарай энэ нютагайхидай элүүр энхые сахилга нилээд һайжарба.
Эндэ хүдэлжэ байха сагтаа һууриингаа ахалагшын үүргэ дүүргэдэг
байгаа. Хэжэнгын Ородой Адаг һууринда энэ шадарай нютагай зоной элүүр
энхые сахилгын хүдэлмэриие һайжаруулха зорилготойгоор амбулаториин
үргэдхэгдэхэдэ, эмхидхэлэй дүй дүршэлтэй Галсан Доржиевичые ударидаха
тушаалда дэбжүүлэгдэһэн юм. Эндэшье бэрхэ эмшэнэй эмхидхэхы үүсхэл
эдэбхи үрэжэл һайта газарта таригдаһан үрэһэн мэтэ байба. Энэ эмшэлгэдэ тон
шухала мэргэжэлтэд: акушерка, патронажна һубилагша(медсестра), лаборант-
санитарка, гурбан техническэ хүдэлмэрилэгшэд болон автомашинын жолоошон
оролдосотой ажалланад. Эндэ шүдэнэй ба физио таһагүүд, үдэрэй стационар
хүдэлнэ.
Байгша ондо Галсан Доржиевич шүдэнэй отологшо, ортопед гэһэн мэргэжэлээ
дээшэлүүлгын һуралсал гаража, дээдэ зэргын эмшын нэрэ зэргэтэй болобо. Мүн
тиихэдэ «Бүлын эмшэ» гэһэн зэргэ тэрээндэ байха.
Энэ амбулаторидо шуһанай үлүү даралтые аргалха хүтэлбэри зохёогдоо.
Энээнэй түлөө шангай һуурида гаргагдаһан гээшэ.
Һаяхан Галсан Доржиевичтай уулзахадамни, иигэжэ хөөрэнэ: «Аймагай
түбэй эмнэлгын захиргаанай зүгһөө (ахалагша эмшэ Тугдумов Б.В.) саг үргэлжэ
133