"Эхэ нютаг Хоорхэмни" Эхэ нютаг Хоорхэмни | Page 128

үндэһэтэнэй 1-дэхи лицей-
һургуулиин захирал, Буряад
Ороной
габьяата
багша
Ширабжалсан
Батуевич
Санжиевта сэхэ хабаатай юм.
Тус
һургуули
хадаа
Ороной тад шэнэдхэгшэ
(инновационно) һургуу­ ли­­
нуудай нэгэн болоно. Дэлхэйн
арадуудай соёлтой харилсаа
холбоотойгоор, мүнөө үе
сагай
эрилтые
хангаһан
зохёохы үзэлтэй, дэлгүүрэй
эд засагат (экономикодо)
мэргэжэлэй талаар хараа
шэглэлтэй
хүнүүдые
хүмүүжүүлхэ ажал хадаа тус һургуулиин гол зорилго болоно.
Тус һургуули хадаа 1996 онһоо «Жэлэй эрхим һургуули» гэһэн хүндэтэ нэрэ
зэргэдэ жэл бүри хүртэнэ. Энэ һуралсалай жэлэй эхиндэ һургуулиин захирал
Ж.Б. Санжиев хоёр багшанартаяа Хара далайн эрьедэ оршодог Адлер хото
ошожо, Оросой 300-аад эрхим захиралнүүдтэй уулзажа, эрдэм һуралсалай талаар
үргэн хөөрэлдөө-уулзалгануудта хабаадажа, олон эрдэмтэдэй һуралсалай болон
хүмүүжүүлгын асуудалнуудаар хэшээлнүүдые шагнаха азатай байгаа.
Һүүлэй 5 жэлэй һуралсалай дүн харахада, 1996 онһоо 11 алтан шантай, 21
мүнгэн шантай һурагшад һургуулияа дүүргэһэн байна.
Үнгэрэгшэ һуралсалай жэлэй дүн хараад үзэхэдэ, 32 һурагшад һургуулияа
дүүргээд, Москва, Саратов, Новосибирск, Томск, Хабаровск, Эрхүү, Шэтэ, мүн
ондоо хотонуудай дээдэ һургуулинуудта булта ороһон байна. Жэшээнь, «Наран»
бүлгэмтэй олон оронуудаар гастрольнуудта ябалсадаг байһан Дымбрын Цыренов
һурагшань Москва хотын Татабариин һургуулиин оюутан болонхой.
Ж.Б. Санжиев иигэжэ хэлэнэ:
- Манай һургуули хадаа уласай хүтэлбэреэр туршалгын талмай болонхой. Энэ
хадаа һургуулиин ажалые бүри ехэ харюусалгатай болгоно. Һурагшаднай булта
буряад яһанай, ороноймнай бүхы нютагуудһаа сугларһан 6 наһатай үхибүүд
шалгалтын дүнгөөр абтадаг. Нэгэ һуурида 10-аад үхибүүд болошодог. Һургуулида
түрэл буряад хэлэеэ мэдэхэ үхибүүд һураха ёһотой юм. Интернадта бүхэли
һуралсалай жэл соо байрладаг. Тиимэ тула хүмүүжүүлэгшэдэй - багшанарай
анхарал бата найдамтай байха ёһотой. Ангиһаа гадуур хүмүүжүүлгын
асуудалнууд айхабтар наринаар түсэблэгдэжэ, хүмүүжүүлэгшэд ба багшанарнай
үнэн зүрхэнһөө үдэр һүнигүй жэншэдгүй ажалладаг даа. Тиимэһээ һурагшадай
эрдэм ухаанай мэдэсэ саг үргэлжэ дээшэлжэ байдаг гээшэ.
Манай лицейн дэргэдэхи урлалай 8-дахи һургуулиин «Наран» хамталаг олондо
мэдээжэ болонхой. Захиралынь Людмила Григорьевна Пархаева, Буряадай
соёлой габьяата хүдэлмэрилэгшэ. Бүхыоросой олон тэмсээнүүдтэ шалгараа.
126