"Эхэ нютаг Хоорхэмни" Эхэ нютаг Хоорхэмни | Page 127

тэрээхэн басагахан эхэдээл илдам аашатайхан, дууша» гэхэ мэтээр хэлэжэ
байхадань, ехэл һонин шэнги байдаг. Эхэ эсэгэдэнь эрдэм бэлиг олгуулаад, удаань
үри хүүгэдтэнь хүмүүжэл, һургаал зааха, хоёр үеын хүнүүдэй хуби заяанда гол
һуури хүндэтэйгөөр эзэлхэ гээшэ тиимэ бэлэн хэрэг бэшэ даа.
«Юумэ хэхэеэ һанаһан хүн забда сүлөө оложо ядадаггүй юм», — гэжэ эжымнай
хэлэгшэ һэн. Тэрэнь зүйтэйл хаш гэжэ Ванчик Очировнае харахадаал һанагшаб.
Ямар нэгэ баярай суглаан, уулзалгын нютагтамнай болохын урда
һурагшадайнгаа хүсөөр наада бэлдэхэ шахар сагай болохолоор, үнөөхи Ванчик
Очировнамнай хүл, гарайнгаа мууешье мартажархёод, арбаад-хорёод һурагшадые
дахуулаанхай, хатар зүжэгөө бэлдэжэ эхилшэдэг юм. Үдэшэ орой боложо,
һургуулиин харуулшанай үүдэнүүдээ хаб-яб хаажа эхилхэдэнь, багшамнай эдэ
олон «зүжэгшэдаа» гэртээ абаашанхай, бүхэли үдэшэндөө, һүниндөө гэхээр
репетициеэ үргэлжэлүүлдэг.
Бүхы наһаараа иигэжэ һурагшадаараа хамта ябаһан, эрхим багша гэгдэжэ,
1959 ондо «Оросой Холбоото Уласай гэгээрэлэй онсо» гэһэн хүндэтэ нэрэ зэргэдэ
хүртэһэн юм.
Мүнөөшье нүхэр Туденова, табан үхибүүдэй эхэ, наһанайнгаа хүндэтэ
амаралтада гараашье һаа, наһаараа дурлаһан мэргэжэлээ орхёогүй, эхин
ангиуудай һурагшадай хүмүүжүүлэгшээр ажаллаһаар.
Үри хүүгэдынь эхэ эсэгынгээ гаргаһан наһанайнъ зүргые үргэдхэнхэй.
Нүхэрыньшье—Доржибал Сунгрупович Очиров—һургуулида сэрэгэй хэрэг заадаг юм.
В.О.Туденовагай нэгэтэ иигэжэ хэлэһыень мартадаггүйб: «Ямар дэмбэрэлтэй
ажалтай зон гээшэбибди— хүнэй нангин үри хүүгэдтэ эрдэм бэлиг олгохо,
һургаал заабари үгэхэһөө үлүү һайхан ажал бии юм аал? Хэзээшье, хаанашье
ябахадаш, заалгаһан һурагшадшни баярай дулаахан үгэнүүдээр сэдьхэлыешни
хододоол баясуулдаг байна ха юм даа». Тиимэл хадань Ванчик Очировна шэлэһэн
мэргэжэлдээ бүхы наһаараа үнэн шуу.
Хүндэтэ багшынгаа олон жэлдэ урма баяртай ажаллахыень, удаан жаргалтай
ажаһуухыень үреэнэбди.
1982
ЗЭНДЭМЭНИ ШЭНГИ ҺУРГУУЛИДАА
«Баатар мэргэн – 2000» тэмсээндэ
«Аглаг энэ юртэмсэдэ
Амита юумын хүлгөөн соо
Хүн боложо түрөөл хадаа
Хүнэй түлөө амидара»
гэһэн бэлигтэй шүлэгшэн Д.Улзытуевай хэлэһэн үгэнүүдэй удха Буряадай
125