"Эхэ нютаг Хоорхэмни" Эхэ нютаг Хоорхэмни | Page 124

байна. Мүн мориной хилгааһаар гүрэжэ, эхэнэрнүүдэй зүүдхэл, һиихэ, бэһэлиг,
элдэб гоёолтонуудые бүтээһэн юм эжымни, - гэжэ Долорес басаганиинь хөөрэнэ.
Угай шуһан шангал байна даа: Долорес басаганиинь айхабтар уран - ямарханшье
мүнөөнэй гадар, дотор хубсаһа тон наринаар оёдог хоморой мэргэжэлтэй
болонхой. Мүн Татьяна басаганииньшье баһал оёжо шадаха. Угтань үшөөл олон
багшанар, урашуул ургаха байһаниинь дамжаггүй.
Урдань «угтай хүнэй үринэр» гэжэ дэмы хэлсэдэггүй байгаал даа. Жана багшын
зээ Долоресой 3 хүбүүдэй ахань Буда БГУ-гай хари хэлэнэй шэглэлэй оюутан,
Хитадта 1 жэл соо дадалга гараха зуураа, хари хэлээр гүйсэд ярилдаха аргатай
болонхой. Тиигэхэ замдаа Түбэдэй Һаса ошожо ерэһэн гээшэ. «Информ Полис»
һониной хэдэн номерто хэблэгдэһэн «Замай тэмдэглэлнүүд» гэһэн гаршагтай
үгүүлэлнүүдынь олондо һонирхогдоо һэн.
Татьянын басаган Баторова Роза, 47-дохи һургуулиин 9-дэхи ангиин һурагша,
шүлэгүүдые зохёогоод, өөрөө хүгжэм найруулдаг. Сагаан һарын һайндэртэ оперо
болон баледэй театрай ендэр дээрэ эрхим дуушадай нэгэн Жаргал Бадмацыренов
дууень ханхинаса дуулабал даа. Ерээдүйн хүгжэмшэдэ амжалта хүсэнэбди.
Арсаланайнь ехэ үхин Валентина Хэжэнгынгээ лицейдэ ахалагша ангида
һурадаг, хари хэлэ һайнаар шудалһанайнгаа түлөө нэгэ жэл соо һуралсалаа
Америкэдэ үргэлжэлүүлхээр ошохо түсэбтэй.
Эрдэм бэлигэй дээжэдэ хүртэжэ ябаһан олон тоото зээнсэрнүүд бултыень
нэрлэхын аргагүй. Наһанайнь арюун замда надхан байг лэ сэсэгүүд гэжэ үреэе!
- Эжымнай 1952 ондо 68-тай ябатараа наһанһаа нүгшэһэн гээшэл даа. Бидэ,
хоёр басагадынь, нютагтаа айл аймагууд боложо, үри хүүгэдээ үдхэжэ ябаһан
хоёр һэмди даа. Шубуунай хоёр дали мэтэ, эбтэйхэн эхир хоюулаан ябатараа,
Розамни хүндөөр үбшэлжэ, наһа барашоо һэн. Хахад бэеэ алдаһан мэтэ бологдоо
һэн. Оршолон гээшэ хэсүү. Бэеэ шанга барижа, Розынгоо үринэрые эхэнь мэтэ
энхэржэ, дүнгэлсэхэ үүргэтэй болоо һэм даа. Мүнөө үхибүүдынь хүнэйл зэргэ
боложо түбхинэнхэй ажаһуудаг. Эжымнай буянтай һайхан һанаан, ажалынь
мандаа харюунь боложо бусаа гэжэ бодогшоб даа, - гэжэ үлүү олон үгэгүй,
наһажаал, олоной эжы Веда басаганиинь даруухан хөөрэжэ һуугаа һэн. Хэжэнгэдэ
эжымнай түрэһөөр 100 жэлэй ойтой дашарамдуулаан, нэрыень мүнхэлхэ гэһэн
хөөрэлдөөн болоһон аад, унтаршоо хэбэртэйгшэ. Бидэ, үринэрынь, мартангүй
һанажал ябадагбди. Эжымнай хэһэн ажал, аша габьяань мартагданагүй,
бэшэгдэжэл, зоной дунда хөөрэлдэжэл ябадаг гээшэл даа.
Хэжэнгэһээ ургажа гараһан мэдээжэ зонойнгоо алдар нэрые мүнхэ дурасхаал
болгон мүнхэлдэг һайхан заншал һайшаалтай. Жана багшын һурагшадынь,
нютагаархидынь энэ бодомжые хараадаа абажа, ашата багшынгаа алдар нэрыень
мүнхэлжэш болохо, найдая.
Аддарта багшымнай арюун хэрэг арад зоноймнай аласай хэрэгтэ үрэжэлтэй
байг лэ! Ашата һайхан олон үринэр, зээнэр, зээнсэрнүүдынь арад зондоо хүндэтэй
хэрэг бүтээжэ ябаг лэ!
1998
122