Тэрээнһээ гадна Жана багша ниитын ажалда эдэбхитэйгээр хабаададаг байһан.
- 1918 ондо Шэтэ хотодо болоһон РСДРП-гэй суглаанай делегадаар һунгагдажа, буряад арадайнгаа түлөөлэгшэ боложо хабаадалсаһан юм,- гэжэ мүнөө Улаан Үдэдэ ажаһуудаг Веда басаганиинь хөөрэнэ.
Жана Цыденовнагай багшын ажал аяар 1916 онһоо эхилһэн намтартай. 1920- ёод онуудта Хэжэнгын аймагай Эдэрмэгтэ, гушаад онуудта Хэжэнгын дунда һургуулида багшалһан байна.
1886 ондо Хёлгын аймагай Бада нютагта Мэнсхын Цэдэнтэн гэжэ тэрэ үеын баян айлай бүлэдэ түрэһэн байна гэхэһээ бэшэ бага наһанайнь намтар дүүрэшэнэ. Урдань баян айлай үринэр һургуулида һуража, мэргэжэл олодог байһан гэжэ мэдэнэбди. Жана басаган тиимэл аза талаангаар багшын мэргэжэлтэй болоһон гээшэ бэзэ.
Жана багша залуу ябахадаа, Мухар Шэбэрэй Дугаров Хаптаанай гэжэ хүнтэй гэр бүлэ болоһон намтартай. Үхибүүтэйш боложо үрдингүй нүхэрһөө залуугаар гээгдэһэн. Тиихэдээ хани нүхэрөө шаналжа дуулаһан дууниинь үгүүлэлэй эхиндэ үгтэбэ.
Хожомынь Хоридо багшаар ажаллажа байхадаа, Балдоржиев Цыбден гэжэ нүхэртэй болоод, 1928 ондо Роза Веда хоёр эхир басагадые түрэһэн гээшэ. Хоёр басагадынь хубиингаа жаргал оложо, олон үринэр, ашанартай болоһон ааб даа.
Роза басаганиинь 4 үхибүүдэй эжы: Долорес Татьяна хоёрынь багшанар, Валерэнь- инженер-электрик, Арсалан- Хэжэнгын аймагай хүдөө ажахын захиргаанай дарга, булта дээдэ һургуулитай.
Веда басаганиинь 5 үхибүүдтэй: 2 басагадынь эмшэнэр. Бэшэниинь нютагтаа. Эхир басагадай 9 үхибүүдһээ 23 аша, зээнэр ургажа ябана.
Оршолон гээшэ хэсүү хамнай даа. Олоной энхэргэн эжы Роза басаганиинь хани нүхэр Баяндалайтаяа Эдэрмэг нютагтаа ажа амгалан ажаһуутараа, хүндэ үбшэндэ дайрагдажа, борьбо дээрэхэнээ үндыхэдэжэ ябаһан хайрата үхибүүдээ эсэгэтэйнь орхижо мордошоһон юм даа. Теэд яахаб. Баяндалай Найданович нютагтаа зондоо хүндэтэй, бүхы наһандаа харюусалгатай ажалда – һомоной зүблэлэй түрүүлэгшээр, хамтын байдалда намай( партия) нарин бэшэгэй даргаар( секретарь) тушаалтай ябаа. Зон голдоо хүндэтэй, сэхэ сагаан сэдьхэлтэй хүн. Үхибүүдээ үншэрөөнгүй, бултыень эрдэм бэлигтэ һургажа, хүлыень дүрөөдэ, гарыень ганзагада хүргэжэ табиһан буянтай эсэгэ гээшэл даа. Энэ хүмнай Жана багшымнай хүрьгэниинь болоно гээшэ.
- Жана Цыденовна угһаа уран эхэнэр байгаа гээшэ аабза: хюмһанай зэргэ үртэһөөр Бурханай зураг бүтээһэн, Улаан туг дээрэ алталһан, мүнгэлһэн ниидхээр « Илалтын орден » нэхэжэ оёһон, И. Сталинай портрет оёһон. Тэрэнь Москвада музейдэ табигдаһан юм,- гэжэ Эдэрмэгтэ ажаһууһан Бочиктуева Бальжидма Долорес зээ басагандань хөөрэһэн байна. Бальжидма өөрөө нютагтаа уран оёдолшо эхэнэр байһан юм. Тиимэһээ багшын уран нарин ажалые анхаралтайгаар ажаглаһан гээшэ бэзэ. Бэлигтэй багшын уран мэргэжэл Роза басагандань хүртэһэн байна.- 1959 ондо Москвада үнгэргэгдэһэн Буряадай Зохёол болон урлалай хубида
Хэжэнгын аймагай « Ургы » хоорой түлөөлэгшэдтэ торгоор дэгэлнүүдые оёһон
121