"Эхэ нютаг Хоорхэмни" Эхэ нютаг Хоорхэмни | Page 112

һурагшадтаа нэхүүлжэ һургана. Энэ ажалда һургаха гээшэ һурагшадта сэнгүй
мэргэжэл гээшэ ааб даа. Хоёр жэлэй саана «Сагаалганай» һайндэртэ Дара Эхэ
Идамай хүрэг нэхэнхэй асаржа, бултаниие һонирхуулаа һэн. Үнгэрэгшэ зун
зурагта хаража, энэ багшын мэргэжэл ажалтайнь танилсаа һэмди. «Алтан гартай»
багшаһаа хэшээл абаха гээшэ ехэ зол. Ерэхэ һуралсалай жэлдэ эдэ хэшээлнүүдээ
үргэлжэлүүлхэ.
Манай һургуулида буряад хэлэеэ һурагшаднай 1-дэхи ангиһаа 8-дахи анги
хүрэтэр булта шудалан үзэжэ гараа һэн. Мүнөө һуралсалай жэлдэ 9-дэхи
ангинуудта үзэхөөр хараалагдана. Гол саг хубааринуудта хэшээлнүүднай орожо,
һүрагшаднай яһала урагшатай номдоо хандадаг болонхой. Энэ ехэ амжалта
саг үргэлжэ һургуулиин засагай анхарал доро энэ эдэбхидтэ хэрэг (илангаяа
захирал Хамнуев Владимир Иванович, һуралсалай талаар орлогшод Кокина
Вера Ивановна, Данилова Светлана Гармаевна) ехэтэ туһаламжада хүртэжэ,
урмашуулагдажа байхадань, багшанар бүхы шадал, эрмэлзэлээ бэелүүлхэ
ушартай болоно гээшэ ааб даа.
Һургуулидамнай яһалал һайн, уужам һаруул таһаг манда үгтэнхэй. Хэхэ
ажалшье тон ехэ.
Хэшээлһээ газаа тээнь, ангиһаа гадуур хүмүүжүүлгын удхатай ажал
ябуулагдана.
Үнгэрэгшэ һуралсалай жэлдэ, февраль соо, «Минии уг гарбал» гэһэн эрдэм-
дадалгын бага хурал боложо, хотын эрдэмтэ багшанарай профессор Сажинов
Ж.С., багша Социалис Ажалай баатар Номтоев Ц.Н., профессор Чагдуров С.Ш.,
түүхын дид эрдэмтэн Гунгаров В.Ш., ГУНО-гой дарга Прокопьев В.Б., методист
Абидуева У.Е. гэгшэд, олон түрэлхид, һурагшад, буряад хэлэнэй багшанарай
хабаадалгатайгаар үнгэрхэдэ олон һурагшаднай уг гарбалаа долоон үе хүрэтэр
угай зураг гэртэхинэйнгээ туһаламжаар зохёожо, амжалтатайтар хамгаалаа
һэн. Наймадахи ангиин һурагша Ламажапов Алексей үбгэ эсэгынгээ аша
хүбүүндээ зорюулжа бэшэһэн тон ехэ угай бэшэгэй дэбтэр асаржа, хүгшэн
эжытэеэ өөрынгөө уг гарбал тухай хөөрөө, олон хоморой фото зурагуудые
харуулаа. Мүн 8-дахи ангиин һурагша Хазагарова Ирина ажалай ветеран
багша хүгшэн эжытэеэ уг гарбалдань ямар бэлигтэй хүнүүдэй байһые дурдажа
хөөрэхэдэнь, ехэл һонин һэн. Эрдэмтэд буряад зоной хаанаһаа гараһан түүхэ
тухай ехэл һонёор хөөрэжэ үгэхэдэнь һүбэлгэн ухаансар һурагшад, багшанар
нилээд ехэ юумэ хадуужа абаа бэзэ. Һурагшаднай өөрынгөө уг гарбал тухай
бүри гүнзэгыгөөр мэдэхэ хүсэлтэй болоо һэн. Жэшээ болгон, 5-дахи ангиин
һурагша Каменданов Сергейдэ хандабаб: «Гааргын һургуулиин 150 жэлэй ойдо
зорюулһан багахан дэбтэр соо шинии обогтой хүнэй нэрэ дурдагдана. Угташни
ямар мэдээжэ шинии мэдэхэ хүн бии хаб гэхэдэм, хөөрхэн хүбүүмни гансата
һэртэд гэжэ: «Минии үбгэ эсэгэмни аргагүй ехэ бөө байһан юумэл»,—гэбэ.
Тиихэдэнь амаралтадаа нютагаа ошоходоо, зурагтайнь зүйл сбуламлжа ерэхэш
гэхэдэм, ехэл баярлаа һэн. Жаахан үхибүүд гээшэмнай ехэл һонин зон ха юм даа.
Эдэнэртэй ажаллаха гээшэ ехэ буян. Урдашни гэнэн һайхан сэдьхэлээ дэлгээнхэй
зогсожо байхадань, багшын ажалай үндэр харюусалга бүхы наһандаа, үдэр бүри
мэдэрхэш, бэдэрхэш...
Иигэжэ уг гарбал тухайгаа һурагшадайнгаа суглуулһан
110