"Эхэ нютаг Хоорхэмни" Эхэ нютаг Хоорхэмни | Page 111

багшалгын эрдэмэй кандидат Бадиева Нелли Филипповна хүтэлбэрилхы
туһаламжа хүргэдэг байгаа.
Тиимэһээ эхин ангиимнай һурагшад анхаралаа нэгэтэшье һуладхангүй буряад
хэлэеэ улам шудалха эрмэлзэлтэйгээр үнгэрэгшэ жэлээ түгэсхөө бэлэй.
Багашуулые һонирхуулха, тэдэнэй ургажа ябаһан ухаае саашань хүгжөөхэ
талаар ангиһаа гадуур ажал тон зүбөөр эмхидхэгдэдэг байгаа. 10-хи һара соо
эхин ангинуудай һурагшадтай «Ургасын һайндэр» ехэ һонирхолтойгоор үнгэрөө.
Зорилгонь: эхэ байгаалиин хэшэг, хүнэй хүлһөөр ямар ургаса абажа болохоб гэжэ
ойлгуулха. Олон түрэлхид хабаадаа. Нэгэдэхи ангида ороһон шэнэ һурагшаднай
нютагай «сэсэгүүд» боложо, үнгын сэсэгүүдэй татуур зүүнхэй:
Сэсэг, сэсэг, сэсэгхэн,
Сэсэг соогуур гүйлдөөбди
гэһэн дуу, хатар бэлэгтэй ерэбэл даа. Түрэлхид, багшанар, ниитын туһалагшанар
(гадар хубсаһанай трикотажна фабрикаһаа) олоороо хабаадажа, видеокамерада
һайндэрнай буулгагдаа һэн.
Бэлигтэй дууша багша Людмила Шагдаровна холоһоо айлшалан ерэһэн
Будамшуу боложо, ирагуу һайхан дуугаараа, үреэл һайхан үгэнүүдээрээ айлшадаа,
һурагшадаа баясуулаа.
Иимэ һайндэрые заншалта болгохо гэлсээ һэмди. Юундэб гэхэдэ, бултал
байгаалиин үринэр һэн тула багахан наһанһаа оршон тойронхиёо гамнаха,
арьбадхаха мэдэрэлтэйгээр ургаха болоно.
Буряад арадайнгаа шэнэ жэлэй һайндэр Сагаалганаа һонирхомоор угтажа,
һайндэрлэжэ, баясадаг, һайхан үреэлнүүдээ хэлэдэг заншалтай болонхойбди.
Үнгэрэгшэ жэлдэ һуралсалаймнай түсэбтэ «Зохёол, соёл болон түрэл
ороноймнай түүхэ» гэһэн хэшээл оруулагдажа, түүхэ болон зохёолой багшанар
тусхай зохёолшын хүтэлбэринүүдые зохёожо, тэдэнээ һуралсалай жэлдэ
амжалтатай бэелүүлээ. Дунда болон ахалагша ангиин һурагшад шудалан үзэдэг
болонхой. Арбадахи ангиин һурагша Цыбиков Аюр Гэсэрэй 1000 жэлэй һайндэртэ
зорюулагдаһан хотын олимпиадада буряад үльгэршэд тухай зохёол хамгаалжа,
2-дохи һуурида гараа һэн (багшань Каницкая Нина Максимовна).
Манай һургуулида мүн лэ нёдондо нэгэдэхи славянска анги эмхидхэгдээ һэн.
Багшань Дружинина Любовь Семеновна һуралсалайнгаа хүтэлбэриие «Арадай
литын» үндэһэн дээрэ зохёожо, амжалтатай хүдэлжэ гараа. Һурагшадынь славян
арадай түүхэ, соёлтойнь арадайнь һайндэрөөр танилсадаг байгаа. Түрэлхид иимэ
үүсхэлые нэгэн дуугаар дэмжээ һэн.
Славян арадай соёл тухай эрдэм-дадалгын бага хурал (конференция)
үнгэргэгдөө. Хүтэлбэрилхы туһаламжа багшалгын эрдэмэй кандидат Солодухина
Татьяна Николаевна үгэдэг байгаа. Тиимэһээ багша энэ амжалтатай ажалаа
үргэлжэлүүлхэ түсэбтэй.
Һургуулидамнай «Уран гартанай» һунган һуралсаха хэшээлнүүд үнгэргэгдэдэг.
Һурагшад бэлигтэй багша Дашиева Светлана Раднаевнагай хүтэлбэри доро хибэс
нэхэжэ һурадаг юм. Мориной һүүл, дэлһээр утаһа гүрэжэ, үнгын гоё хибэсүүдые
109