багшанар һурагшад уншаха, хараха аргатай байгаабди. Мүнөө жэлдэ энэ аргамнай үгы хэбэртэй. Тиибэшье багшанарнай гэртээ абажа уншажа, ажалдаа хэрэглэхэ аргатайбди. Намтай суг хоёрдохи жэлээ хүдэлдэг эхин ангинуудай багшанарай колледж дүүргэжэ ерэһэн залуу багшанар Шалдаева Сэсэгма Цырендоржиевна, Батуева Жэбзэма Баировна гэгшэд иимэ дурадхал оруулна: « Һониной зүйлнуудые хэшээлдээ хэрэглэдэгбди. Тиибэшье һургуулинуудта эрхимээр ажалладаг багшанарай дүй дүршэл тухай нээмэл һонин хэшээлнүүдэй найруулга, элдэб һонин һайндэрнүүдэй найруулга, наадануудые гаргажа байгаа һаатнай, бидэндэ, эхилэн хүдэлжэ байһан залуу багшанарта, туһатай байха һэн ». Би баһал энэ дурадхалнуудынь зүб гэжэ дэмжэхэ байнаб.
Буряад театрай зүжэгшэд « Алтан соёмбо » гэһэн нэрэтэй хүүгэдтэ зорюулһан зүжэг харуулхань. Энэнь манай ажалда хэлэнһээ гадна гоо хэлбэрэй хүмүүжэлдэ хэрэгтэй. Хотын һургуулинуудай багшанар, түрэлхид эдэбхитэйгээр хабаадаха, туһалха ёһотойбди.
Минии бодоходо, илангаяа түрэлхи хэлэеэ эхин ангинуудта, заадаг хото, хүдөөгэй багшанар бултал « Буряад үнэн » һониноо саг үргэлжэ захил хэжэ, ажалдаа түрүүшын дэбтэр болгон хэрэглэхэ уялгатай. Иимэ бодомжые Ороной Эрдэм һуралсалай яаман заабол хараадаа абаха бэзэ гэжэ һанагдана.
Юундэб гэхэдэ, мүнөө үеын һурагшад урданай түүхэ, эрдэмтэд, тэдэнэй ажабайдал Бурхан шажанай дэлгэрэлгэ гэхэ мэтэ ехэл олон асуудалнуудаар һонирходог болонхой. Иимэ томо асуудалнуудта харюу хаанаһаа олдохоб- гансал « Үнэнэймнайл » хуудаһанууд соо ха юм даа. Мүнөө сагта буряад угсаата зон бүгэдөөрөө хамтаржа һанал бодолоо нэгэдэжэ, хөөрэлдэхэ ушартай байгаабди гэжэ һанагдана: радио, телевидени, Бүгэдэ Буряадай үндэһэн соёлой эблэл, Эрдэм һуралсалай яаман, соёлой түлөөлэгшэд, уран зохёолшод бүгэдөөрөө хамтаржа, « Үнэн » һонинойнгоо дэргэдэ сугларжа, хаа-яа хөөрэлдэдэг, һонин-һонин үйлэ хэрэгүүдые эмхидхэжэ байдаг уулзалгын клубтай болоё гэхэ байнаб. Энэ клуб 75 жэлэй ойе угтамжын үедэ байгуулагдаха ёһотой гэжэ һанагдана.
1997
ҮНДЭҺЭН СОЁЛДОО ТҮШЭГЛЭН
Үнгэрһэн һуралсалай жэлдэ Улаан Үдын Октябриин аймагай 19-дэхи һургуули « Школа-диалог национальных культур » гэһэн нэрэтэй болоод, ажалаа эмхидхэжэ, шэнэ шэглэлээр һуралсалаа эхилээ һэн.
1599 һурагшадай 500-аад һурагшадынь буряад үхибүүд юм. Тиимэһээ нэгэдэхи буряад анги нээжэ, тусхай хүтэлбэреэр хүдэлжэ гараба. Мүн һургуулидамнай эхин ангинуудта түрэлхи буряад хэлэеэ яһатан илгаагүй шудалан үзэжэ гарабад.
Багшанар Шарланова Людмила Шагдаровна, Улаанова Жаргалма Ринчиновна гэгшэд тусхай һуралсалай хүтэлбэри өөһэдөө зохёожо, эрдэмэй хүтэлбэрилэгшэ
108