Түгэсхэлдэнь һургуулиин захирал Жалсан Батуевич Санжиев айлшад, багшанараа һургуулидаа уриба.
Үнэхөөрөөл, һургуулимнай алиш талаараа ехэл ондоо болошонхой байгаа һэн: үүдэ орохоһоо эхилээд, уран гоёор шэмэглээтэй. Анханда, суг хүдэлһэн багшанар, хүмүүжүүлэгшэдэй хажууда бэлигтэй шэнэ мэргэжэлтэд олон гэжэ ажаглагдаа һэн. « Һургуулимнай шэнэ шэглэлтэй боложо, үнэхөөрөөл бэлигтэй һурагшад һурадаг болонхой, харюусалгань тон ехэ, һониншье болонхойбди » гэжэ суг хүдэлһэн багшанарайнгаа хэлэхэдэ, урмашан баясамаар байгаа.
Хори гаран жэлэй туршада Москвагай үндэһэн һургуулинуудай һургуули энэ һургуулида туршалга хэжэ, шэнэ хүтэлбэри, һуралсалай номуудые зохёон гаргадаг юм. Тиимэһээ интернат-лицей гээшэмнай мүнөе сагай шэнэ шэглэлтэй мэргэжэл олгохо эхин гуламта болоно.
Тиимэһээ һургуулида хэрэгтэй бүхы эрилтэнүүд хангагдаха ушартай гээшэ ааб даа. Энэ һургуулида эрдэм-һуралсалай хэшээлнүүдһээ гадна зүүн зүгэй оронуудай: япон, хитад, монгол, түбэд хэлэнүүдые шудалан үзэдэг болонхой. Ахалагша ангинуудта хэшээлүүдые гүнзэгырүүлэн шудалдаг. Хотын дээдэ һургуулинуудай эрдэмтэд, багшанар хэшээлнүүдые үнгэргэнэ.
Иимэл һайхан солотой һургуулиин шабинар – золтой, жаргалтай үринэрэймнай үргэн харгыда наран зула, бадма сэсэгүүд надхан байг лэ гэжэ үреэебди.
1994
« ҮНЭМНАЙ »- ҮНЭН НҮХЭРНАЙ
Үнэн үгын хүсэн ехэ. Түрэл һонинмнай- түшэг тулгууримнай- бүгэдэ арадаймнай һонин тон ехэ үүргэ дүүргэжэ, үтэлһэнһөө үхибүүдтэ хүрэтэр үдэр бүри эсэшэ сусашагүй гүрэн түрын, гадаадын гүрэнүүдэй һонинһоо эхилээд, « Сэсэн Сэнгэ » хүрэтэр мандаа элдэб һонинуудые дуулгажа байдаг ха юм даа. Газетымнай элдэб сэдэбдэ тон олон һонин гаршагууд гарадаг. Бултанаарнь һонирходогбди.
Буряад хэлэнэй багша хадаа түрэлхи хэлэеэ шудалан үзэжэ байһан һурагшадайнгаа, багшанарайнгаа зүгһөө « Буряад үнэн » һонинойнгоо ажалшадые долоон5 жэлэйнь ойгоор амаршалаад, бултанда элүүр энхэ, ажалай үндэр амжалта хүсэнэб.
Һониной зүйлнууд һонин, арад түмэнэй гүн ухаанай дээжэнүүд уншагшадай анхаралда саг үргэлжэ гаража, багшанар хэшээлдээ хэрэглэжэ, һурагшадтаа шэнэ һонинуудые дуулгажа байха аргатайбди.
Һониндомнай багшанарай үдэр бүриин ажалда хэрэглэгдэхэ « Толи », « Хонхо », « Багшын булан », « Арадай ёһо заншалнууд », « Сагаалган » гэһэн ниитэ гаршагууд дорохи үгүүлэлнүүд манай гол « хоолнай » болоно. Мүнөө энэ хүшэр үедэ түрэл һонинмнай бүришье түшэг тулгамнай болонхой гээшэ.
Минии ажалладаг Октябриин аймагай 19-дэхи һургуули( захирал Хамнуев Владимир Иванович) үнгэрэгшэ жэлнүүдтэ « Буряад үнэнэй » захил хэжэ,
107