"Эхэ нютаг Хоорхэмни" Эхэ нютаг Хоорхэмни | Page 107

Мүнөө иимэ хүшэр сагта ажаһуубашье, ажалдамнай тулга болодог «Буряад
үнэмнайл» ха юм даа. Али бүхы асуудалнуудта харюу гансал «Үнэнһөө» абана ха
юмбибди. Зариман бэшэһэн байдаг. Орон доторнай түрэл һонинеэ захидаггүй
багшанар байдаггүй юм аа гү? Тэдэниие олоной нюдэндэ элирүүлхэ байгаа гэхэ мэтэ.
Бидэнэй, бултанаймнай үндэһэн хэлэеэ хүгжөөжэ үргөөгүй сагта хэн манда
һаналаа табихаб? Хэншье табихагүй.
Үглөө бүхэндэ үлэгүй, эдеэлээгүй шахуу үхибүүд, хөөрхэд, эрдэм бэлиг олохо
хүсэлэнтэй, үрбэгэрхэн, үрзэгэрхэн юумэ урдаһааш хаража зогсоходонь, багшын
зосоо ямар байдагынь мэдэнэт!
Хэзээ урагшагүй зониие ухаагүй ноёд дарлахаяа болижо, зэмэгүй зоной одо
заяан дээшэлхэ гээшэб гэжэ орон дэлхэй, Бурхадтаа зальбарнабди даа.
1997
ДЭМБЭРЭЛ ЕХЭТЭЙ ГУЛАМТАМНАЙ
Улаан Үдэ хотын нэгэдэхи интернат-һургуулиин һуралсалай үнгэрһэн
жэлэй шэнэ шэглэлтэйгээр үнгэрөөд байхада, энэ һургуулида долоон хоног соо
һонирхолтой хэмжээ ябуулгануудай рабнай үнгэргэгдэбэ.
Түрүүшын үдэр һургуулиин багшанар нээмэл хэшээлнүүдые үнгэргэжэ,
сугларһан дала гаран айлшадта шэнэ онол аргануудые харуулжа, бултаниие
һонирхуулба. Хоёрдохи үдэртэнь эрдэмтэд уулзалга-хэшээлнүүдые үнгэргэбэ.
Гурбадахи үдэртэнь урлалай 8-дахи һургуули бэлиг шадабарияа харуулжа, олоной
магтаалда хүртэбэ.
Рабнайлалгын түгэсхэлэй уулзалга оперо болон баледэй театр соо боложо,
анхан тус һургуулиин эмхидхэгдэхэдэ һураһан, удаадахи жэлнүүдтэ һуража
гараһан олон тоото һурагшад, ветеранууд-багшанар, олониитын түлөөлэгшэд,
түрэлхид олоороо хабаадажа, үреэлэй амаршалгын үгэнүүд хэлэгдэжэ, үнэтэй
бэлэг түрэл һургуулидаа бариба.
Зарим хэдыень нэрлэбэл, эрдэм һуралсалай һайд Намсараев С.Д. 10 сая түхэриг,
Байгал далайн атлас бэлэг бариба. Һуралсалай захиргаанай дарга Вл. Платонович
«Фунай» гэһэн үнгэтэ телевизор бэлэглэбэ.
Тамирай захиргаанай хүтэлбэрилэгшэ Митыпов М.Б. үнгэтэ телевизор,
тамирай хэрэгсэл барюулба.
Буряадай Уран зохёолшодой холбооной түрүүлэгшэ Дугаров Б.С. үгэ хэлэхэдээ,
эрдэм соёлой гуламта болохо энэ һургуулиһаа 6 уран зохёолшод урган гараа гэжэ
хэлэбэ. Нэрлэбэл, Н. Дамдинов, С. Ангабаев, Д. Дамбаев, А. Улзытуев, Б. Эрдынеев,
М. Батоин гэгшэд. Гэсэрэй 2 боти ном, Зохёолшон өөрынгөө һая хэблэлһээ гараһан
шүлэгүүдэй согсолбори ном бэлэг бариба.
Ивалгын хиидэй Цыван ламбагай хадаг барижа, Манзушри Бурханай тарни
«Ом А ра ба за на ди» эрдэм бэлигээ дээшэлүүлхэдэ туһалха удхатай, Арьяа
105