"Эхэ нютаг Хоорхэмни" Эхэ нютаг Хоорхэмни | Page 102

Амаралтын үглөөгүүр бүри радиогоор «Амар мэндэ, минии Буряад орон» гэһэн
дамжуулга сэдьхэлээ хужарлан шагнадаг гээшэбди. Зохёолшонынь бэлигтэй
шүлэгшэн Дулгар Ринчиновна Доржиева.
Мүн энэл үдэр хүүгэдтэ зорюулһан дамжуулга хэгдэдэг. Эдир нүхэдэй ажал,
хэрэгүүд, амжалта тухайнь соносожо байхадань, ехэл һайн байдаг. Тус дамжуулга
тон хэрэгтэй гэжэ ойлгохо ёһотойбди.
Буряад арадай үргэн һайхан нютагуудта уран шүлэгшэд, дуушад түрэжэл,
ургажал байдаг. Тэдэнэй саашадаа ургаха замдань манай «Буряад үнэмнай», мүн
редакциин дэргэдэ һаяшаг мүндэлһэн буряад номой хэблэлэй үүргэ, удха шанар
сэгнэшэгүй ехэ.
Түрэл газетымнай ахамад хинан тохёолдогшо Ардан Лопсонович Ангархаев
холын харасатай, доторой ульһатай, иимэ хүндэ сагта буряад арадайнгаа хуби
заяанда бүхы бэеэрээ хам оролсоно. Саг болзортонь, гээгдэнгүй, захил хэлсыт,
һонинойгээ нюураар уулзаха аргатай ха юмбибди.
Иимэл хүндэ сагта үгэеэ нэгэдэжэ, бэе бэеэ дүнгэлсөөгүйдэмнай ондоо улад
ерэжэ, манда түрэл хэлыемнай зааха бэшэл!
Буряад арадаймнай сэдьхэлээ хужарладаг гарагай долоондо дамжуулагдадаг
«Баян талын аялга» бултал хүлеэн абадаг, түрэл гаралнуудаа захил дуугаар
амаршалдаг гээшэлди.
Бэлигтэй хинан тохёолдогшонууд Вандан Цыденов, Наталья Дымбрылова
гэгшэд уян нугархай буряад хэлээрээ Оронойнгоо бүхы зондо хандажа, ирагуу
һайхан дуунуудые дамжуулжа, сэдьхэлыемнай сэлмээдэг, шэнэ бодолдо
зоригжуулдаг юм. Би, жэшээнь, М.Чойбоновой «Тэбхэр таби наһан» гэжэ дуу
Ж. Бадмацыреновэй гүйсэдхэхэдэ, Ц. Дондогойн «Холын харгыда» гэжэ дууе С.
Бунеевагай, «Лёнхобо», «Эгэтын Адаг» дуунуудые Д-Д. Бочиктоевой дуулахада,
сэдьхэлээ уярдагби.
Ц.Дондогой хөөрөө агша һэн: «Хара далайн эрьедэ амарха үедөө, сэдьхэлдэм
энэ дуун мүндэлһэн юм:
Холын харгыда ябахадаа,
Эжынгээ үреэл һанадагби.
Холын харгыда ябахадаа,
Эсэгынгээ захяа һанадагби.
Холын харгыда ябахадаа,
Хүүгэдээ һанажа, зободогби.
Холын харгыда ябахадаа,
Нүхэдөө һанажа уярдагби,
Холын харгыда ябахадаа,
Нютагаа сэгнэжэ һурадагби.
Холын харгыда ябахадаа
Арадайнгаа нэрые һанадагби.
Буряадай арадай зүжэгшэн С. Бунеева энэ дууе гансаараал иимэ һайханаар
гүйсэдхэдэг онсо илгаатайл.
100