ЭХЭ НЮТАГ ХӨӨРХЭМНИ Книга эжи | Page 79

Нагаса баабаймни Будаев Бадмацырен Очирович долоон анги дүүргэжэ
бүхы наhаараа хамтын байдалда трактористын ба комбайнёрой ажал хэһэн.
Таряа хуряалгануудта нэгэтэ бэшэ «Тэмсээнэй илагша» гэжэ үндэр тэмдэгээр
шагнагдадаг байһан юм. 1990 ондо «Ажалай ветеран» медаляар шагнагдаһан. Ехэ
hайн уряалаг зантай. Байhан зөөриёо ядажа байhан зондо үгэхэ гэжэ оролдодог
заншалтай. Харгышад Эдэрмэг багаар тодхорто дайралдабал, манай баабайда
хандахадаа арсалта байхагүйе дэлгэр мэдээжэ һэн.
Баабаймнай түргэн хүнгэн хүн байгаа. «Урид ошохоб гээд, дараань хайшаа
гэжэ асууха» гэжэ зорёолуулха. Тиимэһээ олон хамтын байдалай путевкануудта
хүртэхэ азатай. Эгээ л холоо ябаһан орониинь – Азербаджан Бакугай амаралтын
газар.
Сагай тэгшэрхэдэ нагаса эжы Мария Шагдаровна аралжаа наймаантай
холбоотой. 19 наһанһаа хүдөө малша зондо элдэб зүйл найман шэрэдэг уялгатай
болоһон байна.
1961 ондо эрдэм мэдэсэлээ дээшэлүүлхын Улаан Үдын кооперативно һургуули
дүүргэжэ тоосогшын (бухгалтер) мэргэжэлтэй болоо.
60-д онуудта «Первомайский» хамтын байдал эмхидхэгдэхэдэнь олон айлнууд
хонишон болоо. Нагаса эжыемнай Аса шэбэрэй залуу хонишодой бүлгэмэй
ахалагшаар томилогдоһон юм. Тиигээд 34 наһандаа РСФСР-эй Хүндэтхэлэй
Бэшэгээр ба «РСФСР-эй хүдөө ажахын урилдаанай Онсо» гэһэн тэмдэгээр
шагнагдаһан.
Мария Шагдаровна ехэ л урагшаа һанаатай, эрмэлзэл зоригтой хүн һэн. 1963
ондо Буряад ороной, Хориин аймагай Дээдэ Хэжэнгын һомоной ажалшадай
Зүблэлэй депутат боложо арад түмэнэйнгөө ажабайдал һайжаруулхын ехэ
оролдолго гаргаа юм. 1970 ондо Бүгэдэ Орос гүрэнэй хүн амин тоо бүридхэлдэ
эдэбхилгэ гаргаһан.
Нагаса баабайнда хүн зон таһарахагүй, гуламта дээрэнь ходо халуун һүтэй
ногоон сай бэлэн байдаг жаматай. Зарминдаа амһарта һабая угаажа үрдидэггүйгөө
һанадагби. Жэшээнь, манайда айлшалха дуратай Үлзытэ Батоевич Базарон
ороходоо 4-5-тай минии магнайгыем үндөөд, «отличником пахнет» гэдэгынь
мүнөө хүрэтэр һанадагби.
Шойропов Бадма нагасынхин, Бимбаевтан ба Дашадылыковтан олон
түрэлхидөө үргэн һагад хандадаг байһан заншалайнь үрэ - мүнөө сагай дулаахан
хандасаар элирдэг зандаа юм.
Багаһаамнай маанадые шанга журамда һургажа, бүхы зүйл өөрын байратай
байха ёһотой. Үүр сайхатай үндыжэ үнеэдээ һаажа, бэлшээридэнь туугаад хорой
хашаагаа сэбэрлэхэ жаматай. Һургуулиин амаралта бүхэндэ Би, Баяр, Алеша ба
Аюна дүрбэн суглардаг һэмди. Манай онсогой уялга бол хоройнгоо газаахиие
сэбэр байлгаха һэн. Мүнөө хотын захиргаанай ажалшан байхадаа нагаса
баабайнтнай бодолые аргагүй дэмжэхэ байнаб.
Наһатайшье болонхой байгаад ехэ эрмэлзэлтэй зон юм һэн. Зургаан зүйл
амитан ба нютагаархидайнгаа амгалан байдалай түлөө хододоо сангарил
сугларжа хураха. 1993 ондо Эдэрмэг нютагйхидай зүгһөө нагаса баабайтан,
Гутапбал үбгэжөөл Баяр ашатаяа, Цыпилма Самдановна, минии гэртэхин
81