үринэрые түрэжэ, Зоя, Майдар, Баярма, Жанна, Дондог гэгшэд булта элүүр энхэ өөдөө боложо, эрдэмэй хэшээлдэ хүртэжэ, булта гэр бүлэтэй, мэргэжэлтэйнүүд болонхой.
Хайран дүүмнай түрэлхиингөө бэлиг хүсэлдүүлхэ аргагүй энэ юртэмсэһөө дэн эртэ ябашоо бэлэй даа.
2004
Хүгшэн эжын алтан худанар, минии хайрата нагаса баабай эжы хоёр
Хүгшэн эжымни Долгоржаб( Роза) Гармаевна бэшэһэн зүйлнүүдэйнгээ олошоржо ном боложо хэблэхээр болоходо: алтан худанар нагаса баабай Будаев Бадмацырен Очирович ба нагаса эжы Шойропова Мария Шагдаровна хоёр, минии эгээ дүтын сэдьхэлтэн гэжэ мэдэһэн дээрэһээ, намайе бэшээрэй гэжэ захяа hэн.
Балшар наһандаа болоhон олон зүйлнүүд минии hанаан соо hая болоhон мэтээр hанагдадаг … Нагаса эжынгээ ажалдаг дэлгүүр соо табатайхан би һахилсахадаа: « энэ дэлгүүрэй хатанби, хэнhээшье баянби »- гэжэ hанаан мүнөө хүрэтэр сэдьхэл соом байһаар.
Нагаса баабай намай « голхонмни » гэжэ нэрлэхэнь мүнөө хүрэтэр hанадагби. Ямар муухай аялгатай үгэ гээшэб гэжэ hанан « голхон бэшэб » гэжэ эрхэлэн харюулдаг байгааб. Мүнөө ойлгоходомни ямар гүн удхатай үгэ гээшэб, бүхы дураяа нагаса баабаймни энэ хандалга соо оруулана гэжэ мэдэжэ байhан байхаа яагаа гээшэ бииб.
Будаев Бадмацырен Очирович 1929 оной июлин 22-то Шэтэ можын Шэлэ( Бада) нютагта Ошорой Будын Ендон ба Балжамын гэр бүлэдэ түрэгдэhэн.
Шойропова Мария Шагдаровна Хэжэнгын аймагай Эдэрмэг нютагта Шагдарай Шойроб ба Намжилай Сэрма хоерой гэр бүлэдэ түрэгдэhэн.
Нагаса баабай эжы хоер ехэ л ажалша, сэхэ сэбэр зод байhан. Дайнай үедэ хүүгэд наһанһаа Хэжэнгын аймагай « Зургаанай зам » хамтын байдалда томошуултай адляар хүндэ хүшэр байдалые дабалсажа эхилээ hэн. Илалтын hүүлээр 1946-48 онуудта « Эхэ ороноо хамгаалгын дайнай үедэ амжалтатай ажалhанай » медаляар хоюулаа шагнагдаhан. « Арын дайнай » хабаадагшад байһандаа Эхэ ороной хамгалгын дайнай Илалтын 30, 50 жэлэй ойдо зоруюлагдаhан медальнуудаар хоюулаа шагнагдаhан. Баабай эжы хоер залуу наhандаа ямар бэрхэшээлдэ абтаhанаа hанаха дурагүй һэн. Эдир наhандаа Агуу Ехэ Дайнай боложо байхада үдэр hүнигүй хамтын байдалай таряанда ба малда ябадаг, Хэжэнгэ голоор модо урдахууладаг гэхэ мэтэ тэсэшэгүй хүшэр ажал даадаг байгаа. Тэрэ үедэ Хэжэнгэ гол хоёр захаараа хара эрьюулгээр мушхаран урдажа, дошхон абаритай шэнги хүүен эрьенүүдээ сохижо, тохойнуудаараа сагаан хөөhэ сахаригтуулаан, эрьелдэн саашалагша хамнай гэжэ эжы хөөрэдэг hэн. Эртын хабарhаа үбдэг хүрэмэ мүльhэтэй хүйтэн уhан соо эрьеhээ модо түлхижэ бэлэдхэлэй һуури хүрэтэр урдахуулха гэхын хүндэ ажал хэһэнһээ эрүүл мэндэе алдаһан юм.
80