Дашиев Дондитдоржэ Гармаевич ба Будаева Сарангэрэл Бадмацыреновна гэгшэд һэргэжэ байһан Мөөрөөшын дацан ошожо хүрдэнүүдые бодхоогообди. Энээнэй урид хэдэн һарын туршада бэлдээбди. Баруун гэр соо үйлдэбэри мэтэ саарһан дээрэ таранинуудые барлаан, няагаан, оройлгоон болоо юм. Жэл үнгэрһэн хойно Дамба Аюшеев Ширээтэһээ дацанай нээлтын Баясхаланай бэшэг ерээ һэн.
Нагаса эжы олон хүүгэд ба түрэлхидтөө хубсаһа хунар байнга оёжол байгша һэн. 80-д оной һүүл багаал хэсэг эхэнэрнүүд болоод « Даши Лһүнбо » хиидэйнгээ дотор шэмэг гоёолто урлаа юм. Жарун Хашор субаргын бүтээлдэшье ехэ хандибаа оруулалсаһан.
Ехэ үхиниинь, минии эхэ Будаева Сарангэрэл Бадмацыреновна Дашиев Дондитдоржэ Гармаевичтай ами наһая холбожо басаган хүбүүн хоёртой. Шэнэ Хэжэнгын дунда һургуулиин физикын багшаар 30-д гаран ажална. Зээ хүбүүн Баяр дунда һургуулияа мүнгэн тэмдэгтэй ба ВСГУТУ онсоор түгэсхэжэ мүнөө Сбербанкда амжалтатай ажална.
Хүбүүниинь, минии нагаса Будаев Баясхалан Бадмацыренович Шэтэдэ эмшэнэй дээдэ һургуули дүүргэжэ отологшо аргашан болоод, Санкт-Петербург хотодо эмнэлгын дид эрдэмтэнэй зэргэ хамгаалаа. Ууган хүбүүн Алексей эсэгынгээ замаар дагажа хирург-травматолог болонхой. Аюна үхиниинь – эм найруулагша( фармацевт). Мүнөө 8 аша зээнэр ба 4 гушанар, зээнсэр ургажа ябана. Һанаха баабай эжымни үндэр сэдьхэлтэй, шог зугаатай байһандаа энэ оршолоной хүшэр байдалые зоригтой дабажа гараһан байна. Хэзээдэшье маанадтаа энэрхэл тэсэбэриин, инаг хайрын, ажалша баатаршалгын жэшээ болодогынь дамжаггүй.
Роза Гармаевнагай аша басаган, Бадмацырентнай зээ басаган Дарима.
Март 2017 г.
82