164
ябаһан ашамни хүнэгхэнүүдые барихадаад, уһа эюулэхэ, ашаанай машинаханаар « би-би » гээд, элһэн ашаа шэрэхэ, элдэб гоёхон зурагуудтайхан тэбхээнсэгүүдые ябталжа, наадажа болохо( эсэгэнь жаахандаа тэбхээнсэгээр гэр байра ябталжа, нилээд наадагша һэн, басагамни үнгэ бүриин гоёхонууд пулаадуудые уруунь боонхой матрёшкануудые бүдэй үртэһэхэнүүдээр мансылхажа наадагшад һэн) гэхэ мэтэ олон бодолдо эзэлэгдэһээр нааданхайнуу-дай хоморшог болоһыень мэдэжэшье байбал, хэзээшье гар хооһон гарахагүй ёһотойб гэжэ бодоод, « Хүүгэдэй дэлгүүр » гэһэн бултанай шахуу ородог дэлгүүртэ түргэхэн түрисэлдэн, нааданхай наймаалдаг таһаг тээшэ, ошоод, удаан зогсожо байшабаб. Харахадам, мантан томо хүүхэлдэйнүүд, нохой, баабгай, ангуудай һууридаа « шалашаһан » шэнгеэр харагдахадань, гэртэмнай 6— 7 һаратай басагаханаймнай тухай гэхээр хүүхэлдэйнууд, амиды хаб нохойһоо томо гэхээр нохой, жэл хахадтай ашаһаамни һураггүй томо баабгай бии һэн гүбэ даа гэжэ шара хилэнгээр оёгдоһон үнэгэнэй урда ошоод зогсожо байхадаа һанабаб. Үнэгэ абаашаад, « сэсэн нохойтойш, хүсэтэй баабгайтайш, мэхэтэй үнэгэтэйш » гэхэ болоно гүб? Теэд энэ мантан ехэ үнэгэн үхибүү һонирхуулхагүйл хаш гэжэ бодобоб. Хэды болотор гансал газарта байхабиб даа, бага голхоронги, гар һула газаашаа гараад, нааданхай бариһан хүн ябахагүй юм аа гү, магад, ондоо дэлгүүрнуудта байжа болохо гэжэ һанаха хүм.
Удабашьегүй жаахан хүнэг гартаа бариһан нэгэ эхэнэр харагдахадал гээд, олон зоной дундуур үгы болошобо. Хэдышье һураһайб, мэдэһэйб гэжэ һанаашье һаа, һула гээгдэшэбэб. Гайхахадаа, дахин һөөргөө дэлгүүрээ оробоб. Нааданхайнуудай орондо нэгэнтэ бэшэ таатай зохидхоноор оёгдоһон хубсаһа абаха ушар оло дахин болодог. Энэ талаар оёдолой « Туяана » нэгэдэлэй хүүгэдэй хубсаһанай загбарнүүдтэ түрэлхидэй зүгһөө баярые хүргэхэ ёһотойбди гэжэ һананаб. Намтай һаналаа нэгэдэхэ эхэнүүд үсөөн бэшэ байхал ёһотой. Тиибэ яабашье жаахан хүүгэдтэ хубсаһан нааданхай хоёрой алинайнь үлүү сэнтэйнь бултанда мэдээжэ ааб даа.
Үхибүүдэй нааданхайнууд тухай һанаагаа зобоһон олохон түрэлхидтэй хөөрэлдэхэ ушар гараһан байна. Дэлгүүрда хаа-яахан нааданхайн машинануудай гарахада шаг шууяан, буляалдаан болоод лэ һалашадаг гээшэ.
Тосхоноймнай хүүгэдэй сэсэрлигтэ ямархан нааданхайнуудаар үхибүүд наададаг хаб, түрэл хэлэн дээрээ ямар шүлэг сээжэлдэдэг, дуу дууладаг хэб гэжэ һонирхоод, олон жэлдэ багша ябаһан аад, мүнөө сэсэрлигые эрхилэгшэ Николаева Дора Ананьевнатай хөөрэлдэхэдэм, иигэжэ хөөрэбэ: « Манай сэсэрлигтэ хоёртойһоо долоон наһа хүрэтэр 75 үхибүүд наһанайнгаа хэмжээгээр 3 булэг боложо хубаарилагдаад, хүмүүжүүлэгдэнэ гээшэ. Үглөөнһөө үдэшэ болотор хамтын байдалай ажалшадай үхибүүдые хүмүүжүүлэн харууһалнабди. Мүн ухаан бодолойнь хүгжэлтэдэ бага бэшэ нүлөөтэй элдэб наада эмхидхэлгын үенууд гол һуури эзэлдэг гээшэ. Энэ талаараа манай сэсэрлигтэ бишыхан үхибүүдэй сагаа наадажа үнгэргэхэ болзорынь үглөөнһөө үдэшэ болотор шахуу гээшэ ааб даа. Теэд сэсэрлигтэмнай нааданхайнууд ехэ дуталдадаг, илангаяа машинанууд, уран зохёолгын « Конструкторнууд », барилга хэлгын, дура буляамаар зурагтай тэбхээнсэгүуд, бүмбэгэнүүд гэхэ мэтэ ».
Үхибүүдые түрэл хэлэндээ дуратайгаар һургахын тула ямар хүмүүжүүлгын