Оффшор / offshore / гэдэг нь англи хэлний “ эргийн гадна ”, “ хилийн гадна ” гэсэн утгатай үг . Энэ нь татвараас зайлсхийж , харилцагчийнхаа их хэмжээний мөнгийг хадгалахын тулд банкуудын үзүүлдэг үйлчилгээ юм

Дэлхийн дийлэнх улс оронд ерөнхий сайд , парламентийн гишүүд , улс төрчид оффшор бүсэд данстай байхыг гэмт хэрэг гэж үздэг .

Тэнд татварын дарамтаас зугтсан бизнесмэнүүд компаниа байгуулан бүртгүүлж , үйл ажиллагаа явуулдаг . Мөн улстөрчид оффшорын бүсэд нуугдан бизнес хийн мөнгөө эргэлдүүлдэг . Ер нь оффшор нь татвараас зайслхийн , мөнгө угааж , зэвсгийн наймаачид болон алан хядагчдын санхүүгийн үйл ажиллагаанд оролцох томоохон талбар юм .

Оффшор данс , оффшор компанийн тухайд бизнесийн эрх зүйн үүднээс хууль бус гэж үздэггүй юм байна . Учир нь тэнд компаниуд хууль ёсны дагуу байгуулагдан бүртгэгддэг . Дэлхийн татварын системд албан ёсоор хамгийн бага хэмжээний хураамж тогтмол төлж , бизнес эрхлэх боломжтой бүс хэмээн зарлагддаг . Өөрөөр хэлбэл , оффшор компаниуд өөрийн улсдаа төлж буй татвараа багасган , ашгаа нэмэгдүүлэхийн тулд оффшор бүсэд давхар үйл ажиллагаа явуулдаг байна .

Гэхдээ энэхүү үйл ажиллагаанд улстөрчид , улс орнуудын төрийн тэргүүн , Ерөнхий сайд , парламентын гишүүд холбогдож болохгүй . Учир нь , тэд бол улс орныхоо өмнө хариуцлага хүлээж , улс орныхоо төлөө зүтгэх ёстой .

Тэд ард түмний татварын мөнгөөр цалинждаг , ард түмнээс итгэл хүлээсэн хүмүүс . Гэтэл улс орныхоо , татварын төлөгчдийн мөнгийг оффшор бүсэд эргэлдүүлж , ашиг хийх нь ёс зүйн талаасаа хэрхэвч байж болохгүй зүйл гэдгийг шинжээчид хэлдэг . Оффшорын цаана эргэлдэж байгаа их хэмжээний хөрөнгө нь дэлхий нийтийн санхүүгийн хямралын нэг гол шалтгаан болж буй . Эх оронч байх ёстой төр барьж байгаа эрхмүүд эх орондоо татвараа төлөхөөс зайлсхийн ийнхүү ашиг хонжоо эрэлхийлж байгааг саяхан олон улсын эрэн сурвалжлах сэтгүүлчдийн нийгэмлэг олон нийтэд ил болгон зарласан билээ .

ДЭЛХИЙН НИЙТЭЭР

Дэлхийн улс орнууд оффшор данстангуудад хатуу хариуцлага тооцож , хэрэг үүсгэж эхэлсэн байна . АНУ , Канад , Япон , Энэтхэг , Украйны засгийн газраас оффшор данстай нь илэрсэн өөрсдийн иргэд , компаниудад хариуцлага тооцох , хэргийг мөрдөх тусгай комисс байгуулхаа мэдэгдсэн .

Эх

ИСЛАНД УЛСЫН ЕРӨНХИЙ САЙД ЗИГМУНД ГАНЛАССОН

Ил болсон оффшор данстай хүмүүсээс нэлээд шуугиан тарьсан нь Исланд улсын ерөнхий сайд Зигмунд Ганлассон ( Sigmundur Davíð Gunnlaugsson ) юм . Улс нь эдийн засгийн хямралд орж , дампуурлаа зарлан яахаа алдаад байхад ерөнхий сайд нь нууц офшор данстай , түүндээ их хэмжээний мөнгө хадгалж байсанд дургүйцсэн Исландын ард түмэн эсэргүүцлийн жагсаал хийж ерөнхий сайдаа огцруулсан . Исландчууд асуудалд дорвитой арга хэмжээ авч чадахгүй байгаа парламентаа бүхэлд нь огцруулах асуудлыг хүртэл хөндөж байсан .

ИСПАНИЙН АЖ ҮЙЛДВЭРИЙН САЙД ХОСЕ СОРИА

Оффшор бүртгэлтэй компанид хувь эзэмшиж байсан нь илэрсэн Испанийн аж үйлдвэрийн сайд Хосе Сориа ( Jose Manuel Soria ) мөн огцорсон . Францын ерөнхийлөгч Франсуа Олланд оффшор данс нь илэрсэн францын иргэд , ялангуяа улс төрчидтэй хатуу хариуцлага тооцож , хуульд заагдсан бүх л шийтгэлийг хүлээлгэх болно гэдгээ мэдэгдэж байсан . Оффшор данс , түүнээс үүдэлтэй хөрөнгийн гадагш чиглэсэн урсгалтай шийдвэртэй тэмцэж байгаа улсуудын нэг нь ОХУ юм . Өнгөрсөн жил Оросын засгийн газар төрийн өндөр албан тушаалтнуудыг гадаадад данстай байхыг хориглосон хууль батлажээ .

ХАРИН МОНГОЛД ....???

сурвалж : http :// panamapapers . sueddeutsche . de / articles http :// www . nytimes . com / 2016 / 04 / 06 / world / europe / panama-papers-iceland