Эдийн засагч Б . Мөнхсоёлоос авсан тодруулга
19
Эрсдлийг бууруулж , зээлжих зэрэглэлийг дээшлүүлсэнээр зардлыг бууруулах , өрийн санхүүжилтийг удирдах боломж олгоно . Хэрвээ манай өр нэмэгдсээр байх аваас хөрөнгө оруулагчид болон банкууд Монголыг эрсдэл ихтэй хэмээн үнэлж , өндөр хүүтэйгээр зээл олгох болно .
-Ирээдүйн зээлдэгчид төр зардалдаа ямар сахилга баттай , ил тод хандаж байгааг олж мэдэхийг эрмэлзэж буй энэ үед баялаг бий болгох , үйлдвэржилтийг төрөөс дэмжих нь ухаалаг алхам байх болно .
Гуравдугаар хүчин зүйл
ТӨСВИЙН АЛДАГДЛЫГ БУУРУУЛАХ
Төсвийн алдагдлыг бууруулснаар улсын өрийн хэмжээг нэмэгдүүлэхгүй байх боломжтой . Төсвийн алдагдлын ДНБ-д эзлэх хувийг 3 байвал зохистой гэж үзсэн байдаг . 2016 онд Монгол улсын төсвийн алдагдал ДНБ-ий 10 хувьтай тэнцэхээр байна .
Монголын ДНБ-д эзлэх улсын өр болоод төсвийн алдагдал өндөр байна . Энэ хэвээр үргэлжилсээр байх аваас эцсийн дүндээ Монголын эдийн засаг бүрэн уналтад орох бөгөөд ингэснээр улс өрөө төлж дийлэхгүй болж , хэн
µ
ДНБ- Дотоодын нийт бүтээгдэхүүн ч боломжийн нөхцөлөөр зээл өгөхөө болино .
Улсын хөгжил цэцэглэлтэд амин чухал үүрэгтэй хувийн хэвшлийг идэвхжүүлснээр татварын орлого нэмэгдэх болно .
Урьдчилан сэргийлж чадалгүйгээр эдийн засаг бурэн унах дээрээ тулвал “ Гарц стратеги ” хэрэгтэй болох бөгөөд энэ нь ихээхэн хэмжээний золиос шаардана . Цалин буурч , нийт ард иргэдийн амьжиргаа доройтно . Энэ нь бодлого боловсруулж , төсвийн шийдвэр гаргах эрх бүхий улстөрч , түшмэдийн том жижиг бүлэглэлүүдийн шийдвэрийн золиос болно гэсэн үг .
Грек зэрэг орон ийм уналтад орж байсан хэдий ч Европын холбооны гишүүн байсан учраас Герман түүнийг аварсан . Харин Монгол бол Европын холбооны гишүүн биш , хэн нэгэн өрийг нь төлж , алдагдлыг нь бууруулна гэж хүлээлтгүй .
Дөрөвдүгээр хүчин зүйл
МӨНГӨН ТЭМДЭГТИЙН ТОГТВОРТОЙ БАЙДАЛ
Мөнгөн тэмдэгтийн тогтвортой байдал , хөрвөх чадвар нь импортлогч , экспортлогчдод урт хугацааны өсөлтийн стратегийг боловсруулах , хөрөнгө оруулагчдад валютын ханшийн өсөлтөөс үүдэх эрсдлийг бууруулах боломж олгодог . Мөн гадаад валютаар авсан өрийн дарамт өсөх аюулыг багасгаж байдаг . Тухайлбал , Чингис бондыг дурдаж болно . Үндэсний мөнгөн тэмдэгт үнэгүйдэх нь гадаад валютаар зээл аван төсөл хөтөлбөрөө санхүүжүүлж байгаа хүмүүс төдийгүй Засгийн газарт аюултай . Үндэсний мөнгөн тэмдэгтийн ханшийн хэлбэлзлийг 2,5 хувь байх нь хэвийн гэж үздэг . Сүүлийн жилүүдэд монгол төгрөгийн ханш 35 хувиар унаж эдийн засгийн төлөв байдлыг улам муутгаж байна .
Дизель түлш , шатахуун , автомашин , түүний сэлбэг , аж үйлдвэрийн чухал түүхий эд материал , өргөн хэрэглээний гол бүтээгдэхүүн , электрон бараа , хувцас , хүнсний бүтээгдэхүүнийг Монгол улс импортлон авч байна . Ямар ч үйлдвэрлэл гадаадын түүхий эд , технологид суурилж байгаа нь Монголын үйлдвэрлэлийг өндөр зардалтай болгож байна .
Ийм байдалд хүрэхгүйн тулд татварын орлогын зарцуулалтыг маш сайн төлөвлөж , төрийн зардлыг хянах шаардлагатай .
Үндэсний Стратегийн Хүрээлэн ТББ