МАКРО ЭДИЙН ЗАСГИЙГ ТОГТВОРЖУУЛАХ АСУУДАЛД БИД ЯАГААД АНХААРАЛ ХАНДУУЛАХ ЁСТОЙ ВЭ ?
18
Сүүлийн гурван жилд эдийн засгийн ерөнхий байдал , муудаж , макро эдийн засгийн үндсэн үзүүлэлтүүд буурлаа .
Хэрэглэх дуртай хүнсний бүтээгдэхүүнийх нь үнэ нэмэгдээгүй , төгрөгийн ханш сулраагүй , гэр бүлийн хэн нэг нь ажилгүй болоогүй , ажлын хэн нэг нь гэнэт халагдаагүй тохиолдолд жирийн иргэд макро эдийн засгийн тогтвортой байдал гэдэг сэдвийг сонирхдоггүй .
ДНБ-ий өндөр өсөлт нь макро эдийн засгийн тогтвортой байдлыг хангагч биш . Улсын төсвийн их хэмжээний алдагдал , асар их хэмжээний өр , үнийн өсөлт , амьжиргааны түвшингийн бууралт , ажилгүйчүүдийн тоо өссөөр байгаа цагт Монгол улс макро эдийн засгийнхаа тогтвортой байдлыг хангаж чадахгүй .
Олборлох салбар зогсонги байдалд орсон , мөн гадаадын хөрөнгө оруулалт буурсан үед төрийн хөрөнгө оруулалтаар эдийн засгийг явуулах , зөвхөн өндөр өсөлтөөр эдийн засгийн хөгжлийг хангана гэдэг зохимжтой хэлбэр биш юм .
Эдийн засгийн тогтвортой өсөлтийг хангахын тулд ямар үзүүлэлтүүдийг хангасан байх ёстой вэ ?
Эдийн засагч Б . Мөнхсоёлоос авсан тодруулга
МАКРО ЭДИЙН ЗАСГИЙГ ТОГТВОРЖУУЛАХ АСУУДАЛД БИД ЯАГААД АНХААРАЛ ХАНДУУЛАХ ЁСТОЙ ВЭ ?
Нэгдүгээр хүчин зүйл
ИНФЛЯЦИЙГ БАГА ХЭМЖЭЭНД , ТОГТВОРТОЙ БАЙЛГАХ
Инфляцийг хазаарлаж , үндэсний валютыг дэмжих нь эдийн засгийг өсгөх , ажлын байрыг шинээр бий болгох үндсэн зорилгын нэг . Үнийг тогтвортой байлгах / инфляцийг хянах /, үндэсний валютыг тогтвортой байлгах нь Монголын Төв банкны үндсэн үүргийн нэг юм .
-Орлогын өсөлт нь үнийн өсөлтийг гүйцэж чадахаа болиход компаниуд болон айл өрхүүд орлогодоо тааруулан бараа бүтээгдэхүүнээ худалдан авна . Ингэснээр хөрөнгө оруулах , хөгжих боломжгүй болно .
-Үнэ өсөхөд үйлдвэрлэл буурч , дэлгүүрийн бараа бүтээгдэхүүний борлуулалт , орлого буурч , мөнгөний урсгал хумигдах тул айл өрхүүд ядуурч , компаниуд хөрөнгө оруулж чадахаа болино .
-Өндөр инфляц нь үндэсний мөнгөн тэмдэгтийн ханшийг унагана ,
Хоёрдугаар хүчин зүйл
ДНБ-ТЭЙ ХАРЬЦУУЛАХАД УЛСЫН ӨРИЙН ХЭМЖЭЭ БАГА БАЙХ
Улсын өрийн хэмжээ бага түвшинд байснаар татварын орлогыг гадаадын зээлдэгчид өр төлөх биш , харин дотоодын шаардлагатай хэрэгцээнд зарцуулах боломжийг Засгийн газарт олгоно .
ДНБ нь 10 тэрбум ам . доллараар хэмжигдэж байгаа Монголын Улсын нийт өрийн хэмжээ 21 тэрбум ам . долларт хүрээд байна . Энэ өрийг дарах үүрэг дараа дараагийн Засгийн газрын нуруун дээр ирнэ .
Өрийг аль болох ашиг гаргах , улмаар ДНБ-ийг нэмэгдүүлэх зүйлд зарцуулах , тухайлбал , ажлын байр шинээр бий болгох , татварын бааз суурийг өргөтгөхөд зарцуулах нь туйлын чухал байсан боловч тэгж чадаагүй . Тиймээс 2017 оноос , үндсэн өрөө төлж эхлэх үед үндэсний хөгжлийн стратегийн биелэлт удаашрах магадлалтай . Сүүлийн хоёр жилд Засгийн газрын нэмэлт зээлийн зардал мэдэгдэхүйц өсчээ . Үүнээс үзэхэд Өрийн оновчтой удирдлагын стратеги нэн чухал байна .
Төрийн ХҮН