Тренинг Модул за сексуална работа, ХИВ и човекови права Тренинг модул за сексуална работа ХИВ и човекови п | Page 54

Модул 2
Вежба Бр.3: Вежба за утврдување на пречки во пристапот до услуги за ХИВ на
сексуалните работници
В реметраење: 45 – 60 минути
П отребни материјали: флип чарт табла, стикери, пенкала, маркери
Целта на оваа вежба е да се идентификуваат главните пречки и предизвици со кои се
соочуваат сексуалните работници во нивниот пристап до услуги за ХИВ, како што се
ХИВ превенција, тестирање и терапија во даден контекст. Исто така, оваа вежба ги
поттикнува учесниците да разговараат за различни стратегии за надминување на
овие бариери и предизвици.
За оваа вежба треба да имате претходно подготвен материјал на кој ќе бидат
наброени услугите за ХИВ, а кои се нудат во нашата земја преку граѓански
организации или здравствени институции.
Следат неколку примери за услуги поврзани со ХИВ. Вие како обучувач, имате
можност да го дополните овој список:
- ХИВ тестирање;
- Пред- и пост-советување за ХИВ тестирање
- Информации, едукација и советување за прашања поврзани со превенција од
ХИВ;
- СПИ тестови за бактериски инфекции (тест за гонореја, сифилис и кламидија);
- СПИ тестови за вирусни инфекции (херпес, хепатитис Б, хепатитис Ц, ХПВ –
хуман папилома вирус);
- Дијагноза и третман на вирусен хепатитис;
- Превенција и третман на сексуално преносливи инфекции;
- Обезбедување пристап до кондоми;
- Обезбедување пристап до лубриканти;
- Обезбедување пристап до бесплатна АРТ (антиретровирусна терапија);
- Социјална поддршка за прашања поврзани со ХИВ/ СИДА.
Разговарајте со учесниците во однос на горенаведените услуги. Оставете им простор
на учесниците да одгворат на некои клучни прашања поврзани со услугите за ХИВ,
како на пример:
- Дали ги разбираат овие услуги и дали сметате дека недостасува некоја услуга
која не е наведена?
- Кои од услугите што ги разгледавте пред малку мислите дека се најпотребни
во моментов?
- Кои од услугите најмалку ви се потребни?
- Кои од услугите се веќе достапни за сексуалните работници?
- Каде можете да ги добиете услугите за кои разговараме во Вашиот контекст
(се мисли на местото на работење/живеење)?
52