Тренинг Модул за сексуална работа, ХИВ и човекови права Тренинг модул за сексуална работа ХИВ и човекови п | Page 11

–
Мотивирање на сексуалните работници да пријавуваат случаи на
насилство, непочитување и кршење на човековите права;
–
Подигнување на свеста кај сексуалните работници за ризиците поврзани
со нивната работа и други социјални, структурни и економски фактори
кои придонесуваат за ранливост на сексуалните работници при пренос
на ХИВ и други СПИ;
–
Зголемување на знаењето на сексуалните работници за можностите за
превенција, тестирање и третман поврзани со ХИВ;
–
Отстранување на пречките во пристапот на сексуалните работници кон
услуги за ХИВ и СРЗП;
–
Градење на капацитетите на сексуалните работници за планирање и
развивање интервенции поврзани со ХИВ за оваа маргинализирана
група.
3. Како е развиен тренинг модулот за сексуална работа, ХИВ и
човекови права?
Како појдовна основа за развивање на овој тренинг модул е земена анализата на
сегашната состојба на сексуалните работници во Република Северна Македонија,
како и едни од најважните програми за сексуалните работници според видувањата
на СТАР-СТАР, а тоа се програмата за застапување и лобирање која се однесува на
застапување и лобирање за подобрување на социјалната средина и човековите
права на сексуалните работници и програмата за здравје која се однесува на ХИВ/
СИДА и СРЗП (сексуално и репродуктивно здравје и права). Овие две програми имаат
за цел да ги мапираат и соодветно адресираат здравствените потреби и грижи на
сексуалните работници, да и овозможат на заедницата на сексуални работници да
стекне знаење поврзано за ХИВ И СРЗП и други проблеми поврзани со работата, како
и да ги идентификуваат пречките кои го компромитираат здравјето и безбедноста на
сексуалните работници. Потоа, претходното богато искуство на тренинзи и обуки на
претставници на СТАР-СТАР и целната група во процесот на организациското јакнење
на организацијата низ годините како и многубројните едукативни работилници и
тренинзи кои се реализирани од страна на СТАР-СТАР за Пиер едукација,
зајакнување на капацитетите и вештините на заедницата на сексуални работници, за
развој на активизмот, исто така претставува добра основа за развивање на овој
тренинг модул.
9