Fjala e Kryeredaktores
Falënderimet më të larta i takojnë Atij që na bëri të
frymojmë e gjallërojmë mbi tokë, të ecim e veprojmë,
e mbi të gjitha Ta madhërojmë me adhurimet më të
sinqerta. Salavatet e selamet ia dërgojmë Dritës së
njerëzimit, Muhammedit a.s., familjes së tij, shokëve
besnikë dhe të gjithë atyre që e pasojnë rrugën e tij të
ndershme deri në fundin e kësaj bote.
Pas punës së palodhshme të anëtarëve të redaksisë,
interesimit të studentëve në përgjithësi, Unionit
Studentor dhe bashkëpunëtorëve të tjerë doli në dritë
numri i 10 i revistës “Zgjimi Islam”. Kjo revistë ua
mundëson të gjithë studentëve të interesuar në lëmin
e shkrimit dhe shkencës të shfaqin idetë, mendimet,
opinionet dhe punën e tyre në përgjithësi.
Ky numër doli të ishte i suksesshëm, i cili edhe na
dha vullnet dhe dëshirë më të madhe për punë, duke
na bërë kështu optimistë për përgatitjen e një numri
tjetër për këtë vit. Ashtu edhe u bë, duke i pasur
parasysh vështirësitë dhe kohën e shkurtër, pasi ishte
fundi i vitit dhe të gjithë studentët ishin të përqendruar në provime. Me të vërtetë njeriu kur dëshiron
të punoj e sidomos në lëmin e diturisë dhe shkencës
me pak mund dhe durim e arrin atë. Andaj mbesim
me shpresë se studentët në të ardhmen do të jenë
edhe më të interesuar dhe më aktivë në këtë drejtim,
duke e konsideruar se secili prej nesh ka obligim
moralo-fetar në ngritjen e vetëdijes fetare dhe shkencore në mesin tonë. Falënderojmë fillimisht Allahun
pastaj të gjithë ata që mundësuan realizimin e kësaj
reviste për këtë vit.
Thonë: “Fjala e thënë mund të humb, ndërsa ajo e
shkruar nuk humbet kurrë”, prandaj le të jenë fjalët
tona porosi të shkruara për brezat e tjerë.
Përmbajtja:
Kushtet e Islamit 02
Fjala e kryeredaktores
03
Edukimi 04
Paragjykimi dhe ndikimi i tij në shoqëri
08
Imam Ebu Hanifja dhe nxënësit e tij
10
Çasti i fundit 13
Xhamia Şakirin 14
Mjalti si ilaç 16
Llojet e ëndrrave 17
Udhërrëfyes i jetës 20
Njeriu i fundit dhe fundi i historisë
22
Uji dhe njeriu 24
Selman el-Farisi 26
Kuriozitete 29
Intervist me Dekanin e FSI-së
30
Një rini pa ideale është vetëm numër,
është vetëm objekt i dikujt tjetër me ideale 34
Shpejtoni në ISRA dhe MIRAXH!
36
Fjalëkryqi 38
Elhamdulilah 39
Bardha KQIKU
ZGJIMI ISLAM / Revistë studentore e FSI-së / Kryeredaktore: Bardha Kqiku / Redaksia: Shkurte Segashi,
Gentiana Bllaca, Besmir Yvejsi, Agon Dragusha
Lektorë: Dr.Hysen Matoshi / Dizajni grafik & fotografitë: Argjend Xhelili,
Adresa: FAKULTETI I STUDIMEVE ISLAME ; rr.”BajramKelmendi” nr.84 Prishtinë / tel: 038 243 887 /
e-mail: [email protected] / web: www.fsi92.net
Zgjimi Islam 3